10 декабрьдән 5 - 11 сыйныф ларда фәннәр буенча он-лайн тестирование башланып китте. Укучыларның тест эшләве 20 декабрьгә кадәр дәвам итәчәк. 10 сыйныф укучылар 10 фәннән тест үтә. 

Бүген мәктәптә район хастаханәсе табиблары укучыларга медицина тикшерүе уздырырга килделәр. Алар һәр укучының сәламәтлеген җентекләп тикшерделәр.

5- 6 класс укучылары арасында математик КВН үткәрелде. Укучылар үзләрен математиканың төрле өлкәләрендә сынап карадылар. "Тапкырлар " (5 кл) һәм "Зирәкләр" (6 кл) командаларына бүленеп төрле бәйгеләрдә катнаштылар. Укучылар үзләрен математик яктан белемле, тырыш итеп күрсәттеләр. "Тапкырлар" командасы мактауга лаек булды.

Математика атналыгы дәвам итә. Укучылар бүген үзләренә тапшырылган эшне ахырынача җиткереп жюрига тапшырдылар. Һәр класс математикага багышлап стена газетасы чыгарырга тиеш иде. Барлык класслар да актив катнашты.

Бүген 7-9 класс укучылары арасында математик эстафета үткәрелде. Укучылар "Квант" һәм Эврист" командалары булып ярыштылар. Ярышта "Квант" җиңүче дип табылды.

Бүген мәктәптә 4 сыйныф укучылары математикадан тест эшләделәр. 

1995 елдан башлап 9 декабрь Россиянең Ватан Геройлары көне буларак билгеләп үтелә. Шул уңайдан тарих укытучысы Гарифуллина Гөлназ Габделгазизовна мәктәп музеенда Ватан Геройларына багышланган дәресләр үткәрде. 

Бүген мәктәптә математика атналыгы башланып китте. Укучылар үзләре әзерләгән темалар буенча "Бөек математиклар" турында сөйләделәр.

9 декабрьдән 14 декабрьгә кадәр математика атналыгы игълан ителде. Укучыларга атна буена план төзелде. Эшләр бүлеп бирелде. Укучыларга уңышлар телибез.

Инвалидлар декадасы уңаеннан бүген тәрбия сәгатендә укучыларга кино күрсәтелде.