Мәктәп яны кардан арынуга, мәктәп укучылары атна саен, дәресләрдән соң, тирә-якны чистарту максатыннан өмәгә чыгалар. Бүген шундый беренче өмә үтте. Егетләр һәм кызлар мәктәп янын кыштан калган чүпләрдән арындырдылар. 

Армспорт- спорт ярышларының берсе. 13 апрель көнне  Республика күләмендә үткәрелгән ярышта 8 класс укучысы Гарифуллина Г.Ф. 45 кг үлчәмдә 3 урынны алып кайтты. Без аны котлыйбыз.

Бүген өлкән класс укучылары арасында пенсия буенча белемнәрне тирәнәйтүгә багышланган класс сәгатьләре үткәрелде. Кунакка лаеклы ялда булган хөрмәтле укытучыбыз Әлтәпова Нурания апа да чакырылган иде.

Бүген "Электр энергиясен саклау"га багышланган тәрбия сәгатьләре үтте. Укучылар әлеге темага рәсемнәр дә ясап алып килгәннәр, үзләренең  уй-фикерләре белән уртаклаштылар. Төрле презентацияләр дә карадылар, гомумән алганда, электр энергиясенәсакчыл булырга өйрәнделәр.

11 класс укучылары математикадан белемнәрен сынап карадылар. Биремнәр катлаулы иде. Уучылар авырдан эшләделәр. Шулай да нәтиҗәләре уңай булды.

11 класс укучылары рус теленнән белемнәрен сынап карадылар. Нәтиҗәләре уңай. ЕГЭда уңышлар телисе кала.

Бүген мәктәптә "Күңелле стартлар" ярышы үтте. Бу ярышта 2-5 укучылары катнашты. Ярышта дуслык җиңде

"Батыр" спорт комплексында "Армспорт" төре буенча ярыш үтте, безнең мәктәп укучылары ярышта активлык күрсәтте. Күп кенә призлы урыннар алып кайттылар. Алар: 1 урында Габдрахманова А (8 кл), Гарифуллина Г (8 кл), Марданов Н (8 кл), 2 урында Хусаинов И (8 кл), 3 урында Гарифуллин З (8 кл). Әфәрин укучылар.

16 март көнне Олы Мәтәскә урта мәктәбендә,  Әфганстанда интернациональ бурычын  үтәгәндә вафат булган  Минегали Ногманов  истәлегенә багышланган татар-башкорт милли көрәш ярышы уздырылды.Ул көрәштә безнең мәктәп укучылары да катнашты, җиңү бу көрәштә безнең мәктәп укучыларына елмаймасада, алар аннан күтәренке рух белән кайттылар. 

Хәрби-патриотик айлык уңаеннан мәктәп күләмендә
  класстан тыш чара "Аҗаган" уены үткәрелде. Ул бер ай буе дәвам итте. 9 март көнне укучыларның йомгаклау уены үткәрелеп, йомгак ясалды.Бу айлыкның максаты укучыларда хәрби-патриотик, җаваплылык һәм иптәшлек хисләре тәрбияләү, яшүсмерләрне хәрби хезмәткә психологик әзерләү. Сәламәт яшәү рәвешен пропагандалау. Экстремаль ситуацияләрдә үзеңне тоту күнекмәләрен үстерү иде.