Бүген Теләче 3нче номерлы балалар бакчасында "Теләче" спорт мәктәбе хезмәткәрләре тарафыннан уздырылган «Космос глазами детей» дигән бәйгесендә катнашучыларны дипломнар һәм истәлекле бүләкләр белән бүләкләделәр. Барлык катнашучыларны да  котлыйбыз!!!

Бүген бер ай буе дәвам иткән «Теләчеинформ» мәгълүмат үзәге үткәргән «Һәр сыерчыкның үз оясы» дип исемләнгән сыерчык оялары бәйгесенә, Шәтке авылында узган «Карга боткасы» бәйрәмендә, нәтиҗә ясалды. Теләченең 3нче номерлы балалар бакчасына йөрүче  балалар да әлеге бәйгедә актив катнаштылар, әти-әниләргә рәхмәтебезне белдерәбез,  бәйгедә дипломга лаек булган  тәрбияләнүчеләрне чын күңелебездән  котлыйбыз!

12 апрель - Космонавтика көне. Бу көнне 1961 елда «Восток» корабында Юрий Гагарин космоска оча. Теләче 3нче номерлы балалар бакчасының тәрбиячеләре  балаларга космонавтика үсеше башлангычында торган галимнәр белән таныштырдылар. Балалар йолдызлар һәм планеталарның серле дөньясы сурәтләнгән иллюстрацияләрне карадылар, шигырьләр укыдылар һәм табышмаклар чиштеләр, рәсемнәр ясадылар.

Бүген Теләче 3нче номерлы балалар бакчасында Россия Эчке эшләр министрлыгының Теләче районы буенча Дәүләт автоинспекциясе бүлеге инспекторы, полиция майоры Каюмов С. Т. ДБУнең Казан шәһәре территориаль идарәсенең профилактика бүлеге Саба районы бүлеге җитәкчесе Ягъфәрова Г.Н.   белән берлектә уртанчылар төркеме балалары  тәрбияче Ф. Ф. Хәбирова “Автокресло-балаларга!” дигән  акция уздырдылар.

Теләче 3нче номерлы бабалар бакчасының мәктәпкә әзерлек төркеме балалары белән «Террор-җәмгыятькә куркыныч» дигән темага әңгәмә үткәрелде.

Татнетны үстерү фонды катнашында, мәктәпкәчә муниципаль бюджет белем бирү учрежденияләр арасында «Күңелем сәйләннәре» II төбәкара онлайн шигырь укучылар бәйгесенең нәтиҗәләре билгеле булды. Шулар арасында безнең Теләче 3нче номерлы балалар бакчасына йөрүче Шарафиева К.  – 1 дәрәҗәле диплом Һәм  Аскарова Я.  - 2 дәрәҗәле дипломга лаек булдылар и (балаларны әзерләде Минһаҗева Г.Р.). Җиңүчеләрне  котлыйбыз һәм киләчәктә дә зур иҗади уңышлар телибез!

Ел саен 1 апрельдә бөтен планета Халыкара кошлар көнен билгеләп үтә.

28 март көнне Гаилә елы кысаларында "Батыр"  спорт комплексында мәктәпкәчә белем бирү оешмаларында тәрбияләнүче гаиләләр арасында "Әти, әни һәм мин-спорт гаиләсе!"дигән спорт бәйрәме булып узды.

Бөтендөнья Театр көне уңаеннан, 27 мартта,  мәктәпкә әзерлек төркеме балалары «Киләчәк »район яшьләр үзәгенең яңа бинасында урнашкан район балалар китапханәсендә булдылар.

Бүген Алан балалар бакчасы базасында II Республикакүләм мәктәпкәчә белем бирү учрежденияләре арасында үткәрелүче “Халкыбыз йолалары- илебез җәүһәрләре” дип исемләнгән  бәйгенең 3 нче этабы узды. Әлеге бәйгедә зурлар төркеменең әти-әниләре,балалары, музыка җитәкчесе Минһаҗева Г.Р.,Хуҗина Р.Г. катнашында «Мичкә ут керде, өйгә кот керде» дигән милли йола эшкәртмәсе ГРАН-ПРИга лаек булды. Бәйгедә катнашкан барлык әти-әниләргә рәхмәтебезне белдерәбез, педагогларыбызга иҗади уңышлар телибез!!!