Юл хәрәкәте куркынычсызлыгын пропагандалау кысаларында Теләче 3нче номерлы балалар бакчасында “Без – пассажирлар”дигән темага чара узды. Тәрбиячеләр балалар белән җәмәгать һәм шәхси транспортта пассажирларга үзләрен ничек тотарга кирәклеге турында профилактик әңгәмә үткәрделәр, «Яшь җәяүле»видеоролигын карадылар. Һәрбер олы кеше яки бала транспорт — куркыныч зона икәнлеге турында истә тотарга тиеш.

Янгыннарны кисәтү һәм тормыш иминлеге культурасын тәрбияләү максатыннан безнең балалар бакчасында тематик янгын куркынычсызлыгы көне узды. Зурлар төркем балалары белән ТР буенча Россия ГТХМ Баш идарәсенең Саба һәм Теләче муниципаль районнары буенча районара күзәтчелек эшчәнлеге бүлегенең өлкән инспекторы, эчке хезмәт майоры Тимерханов Л.М.   янгын куркынычсызлыгы кагыйдәләре турында әңгәмә һәм фикер алыштылар.

Татарстанда контракт буенча хәрби хезмәткәрләр балалары өчен "Батыр" махсус карта каралган. Ул тулысынча балалар бакчасы, барлык түгәрәкләр һәм туклану өчен түләүне каплый.

22 июня. Эту скорбную дату мы отмечаем как День памяти, День гордости и скорби о тех, через чьи жизни прошла жестокая война, о тех, кто не пожалев жизни, не вернулся с кровавых полей сражений. Сегодня  для детей старшей и подготовительной групп был проведён информационный час "Завтра была война". С детьми средней группы, был  организован флешмоб "Голубь Мира". Участием во флешмобе каждый выразил свою благодарность ветеранам, отстоявшим нашу Родину в трудные годы войны, выразили важность мира для всей планеты, как все мы будем беречь мир ради себя и ради будущих поколений.

Бүген «Киләчәк» яшьләр үзәгендә, тәрбия, Алдынгылар хәрәкәте үсеше, балалар һәм яшьләр иҗтимагый берләшмәләре белән хезмәттәшлек итүче оешмалар катнашында Совет утырышы узды. Әлеге утырышта Теләче 3нче номерлы балалар бакчасының "Алдынгылар хәрәкәте" буенча кыскача эш нәтиҗәләре тыңланды.

В честь Дня России  с детьми средней и старшей группы провели беседы и квест игры  «Под флагом России живу и расту!». 

Җәй-балалар өчен елның искиткеч вакыты, ул вакытта саф һавада уйнарга, спорт белән шөгыльләнергә генә түгел, ә кызыклы  өстəл уеннарын да куллану мөмкин. Теләче 3нче номерлы балалар бакчасында  “Шахмат” зонасы булдырылган. Тәрбиячеләр  аның белән генә чикләнми, ә җәй көнне дә саф һавада  «акыл зарядкасы» шахмат,шашка  уйнауларын дәвам итәләр. Шахмат уены балаларда каршылыкларны җиңәргә өйрәтә, җитезлектә, кыюлыкта камилләштерә, интеллектуаль сәләтен үстерергә ярдәм итә. 

Балаларның киләчәге матур булсын өчен тыныч, имин тормыш, яраткан туган җир, гаилә җылысы, күңелле балачак кирәк. Кадерле балалар,хөрмәтле әти-әниләр!Сезне чын күңелдән җәйнең беренче бәйрәме – Халыкара балаларны яклау көне белән котлыйбыз!Балачак – һәркемнең тормышында иң гаҗәеп чор, якты буяулар һәм хыяллар белән тулы бер дөнья. Шул ук вакытта бу бәйрәм өлкәннәр өчен зур мәгънәгә дә ия. Ул безгә балалар язмышы өчен җаваплылык турында искәртә. Һәр баланың сәламәт һәм бәхетле булып, якыннары кайгыртуын тоеп үсүе мөһим! Балаларыбыз сәламәт булсын, һәр йорт балалар тавышыннан яңгырап, елмаюлардан балкып торсын. Бөтен хыялларыгыз, кадерле балалар, тормышка ашсын!

Мәктәпкәчә белем бирү учреждениеләре арасында юл хәрәкәте кагыйдәләре буенча ике  бәйгегә йомгак ясалды. Җиңүчеләрне   Россия Эчке эшләр министрлыгының Теләче районы буенча ЮХИДИ идарәсе дәүләт инспекторы Кыямов Л. Т.һәм ДБУнең Казан шәһәре территориаль идарәсенең профилактика бүлеге Саба районы бүлеге җитәкчесе Ягъфәрова Г.Н. бүләкләде.  Безнең Теләче 3нче номерлы балалар бакчасыннан тәрбияче Һадиева Ф.Г. һәм Хафизовлар гаиләсе-3 нче урынны яулады, Баевлар, Тимербаевлар, Сайфутдиновлар гаиләләре сертификат һәм истәлекле бүләк белән бүләкләнде. Оештыручылар бәйгедә катнашучыларның барысына да креатив булулары һәм юл хәрәкәтендә катнашучыларның юл куркынычларыннан сакларга омтылулары өчен рәхмәт белдерделәр.