Теләче 2 нче балалар бакчасында Яңа ел иртәләре марафоны дәвам итә. Яңа ел алдыннан һәр балалар бакчасына  матур, тылсымлы әкият килә. Яңа ел иртәләре-барлык балалар яраткан могҗизалар, үзгәрешләр һәм сюрпризлар вакыты бит ул! Бәйрәмчә әкияти атмосфераны оештыруга балалар бакчасының  барлык хезмәткәрләре дә җәлеп ителә. Бәйрәмнәр вакытында балалар  сюрпризлардан, табышмаклардан, сәяхәтләрдән, әкият геройлары белән очрашулардан, уеннардан, бәйгеләрдән, җырлардан, биюләрдән хисләр ташкынына чума.

    Балаларда кечкенә чактан ук янгынга каршы культура тәрбияләү бик мөһим, чөнки  аларга зурларга караганда күбрәк куркыныч яный. Шушы максаттны күздә тотып Теләче 2нче  балалар бакчасына йөрүче тәрбиянүчеләр белән ТР буенча Россия ГТХМ Баш идарәсенең Саба һәм Теләче муниципаль районнары буенча районара күзәтчелек эшчәнлеге бүлегенең өлкән инспекторы, эчке хезмәт майоры Тимерханов Л.М.  белән очрашу уздырылды. Ул алар белән яңа ел бәйрәмнәрендә янгын куркынычсызлыгы чараларына аеруча игътибар итәргә кирәк турынңа әңгәмә алып барды.

19 июньдә яшь спортчылар Бөтендөнья балалар футбол көнен билгеләп үтәләр. Бу көнне балалар бакчасында тәрбияләнүчеләр бу  уенның кагыйдәләре һәм терминологиясе белән таныштылар, «Необыкновенный матч» һәм «Футболные звезды» мультфильмнарын карадылар.
Икенче кечкенәләр төркеменә йөрүче балалар тупны алып бару, тупны иптәшләренә тапшыру һәм капкага сугу күнекмәләрен үзләштерделәр.

Теләче 2нче балалар бакчасы тәрбиячесе Гайнуллина Миләүшә Вәлиәхмәт кызын туган телдә тәрбия һәм белем бирүче педагогик хезмәткәрләр арасында үткәрелгән, Татарстан Республикасы территориясендә яшәүче халыкларның туган телләрен саклауга һәм үстерүгә юнәлдерелгән проектларны гамәлгә ашыру,  республика бәйгесендә җиңүе белән котлыйбыз.
  Аңа "Туган телем" мультипликация студиясе" проектын уңышлы тормышка ашырун телибез! Бу башлангычта Миләүшә Вәлиәхмәтовнаның һәр адым иҗат һәм яңа ачышлар белән тулылансын.

Әле кыш башланмаса да беренче кар безне ел саен гаҗәпләндерә һәм сөендерә, ә балалар өчен бу бөтенләй кечкенә могҗиза. Беренче кар белән уйнаганда балалар күпме шатлыклы мизгелләр кичерәләр. Менә бүген дә балалар саф һавада күңелле итеп беренче кар белән уйнадылыр: кардан пәрәмәчләр пешерделәр, кар бабай әвәләделәр, кемдер кар көрәде.