Бүген Теләче муниципаль районында Теләче 3нче балалар бакчасы базасында «Россиянең ел тәрбиячесе» республика бәйгесенең муниципаль этабы узды. Безнең Теләче 2нче балалар бакчасын әлеге бәйгедә тәрбияче Вщлиева Кадрия Илдар кызы тәкъдим итте. Ул үзенең эш тәҗрибәсе белән уртаклашып, ата-аналар өчен агарту-белем бирү чарасы үткәрде.Кадрия Илдаровна бәйгенең барлык сынаулар нәтиҗәләре буенча "Ел тәрбиячесе" номинациясендә призер булды.

Бүген безнең Теләче 2нче балалар бакчасында аеруча шау-шулы, күңелле булды! Без "Мәктәптә футбол" Бөтенроссия фестивале проекты кысаларында "Без уенда!" беренче мини-фестивален уздырдык. Бу бәйрәм булачак чемпионнарыбыз — кызлар өчен махсус оештырылган иде! Фестиваль барышында Һәр кызчык уенның азартын, тупны төгәл тапшырудан шатлык һәм команда җиңүенең бәхетен тоя алды. Футболист-малайлар исә алар өчен җан атып тордылар. 

  Бүген балалар Алдыңгылар хәрәкәте остазлары белән “Яхшылык эшләргә ашык!” темасына аралаштылар !5нче декабрь- Волонтёрлар көнендә остазлар пилот төркеме өчен үзенчәлекле «Уенчыкка беренче ярдәм күрсәтү» иҗади остаханә оештырдылар. 

   Балалар аралашып кына калмадылар-волонтер булып карадылар! Педагоглар белән бергә балалар йомшак пациентларга "беренче ярдәм күрсәттеп" - кайгыртучанлыкка һәм сакчыл карашка өйрәнделәр. Хайваннарга, табигатькә һәм кешеләргә чын күңелдән ярдәм итүче супергеройлар-волонтерларның кемнәр икәнен белделәр. Һәркемнең, хәтта иң яшь ярдәмчеләрнең дә кулыннан килә торган игелекле эшләр турында сөйләделәр.

   Бу көн балалар өчен зур һәм мөһим изге гамәлләр дөньясына беренче адым булды. 

Тәүлекнең караңгы вакытында җәяүлеләр арасында яктылыкны кайтаручы элементлар куллануны популярлаштыру максатыннан бу атнада зурлар төркеме тәрбиячеләре Гайбадуллина М.Ф. һәм Валиева К.И. "Флике-балаларга яхшы дус" исемле мастер-класс уздырдылар. Мастер-класс барышында балалар фликер нәрсә, аны ничек кулланырга булуы турында белделәр. Ләкин төп вакыйга практик өлештә булды! Тәрбиячеләре җитәкчелегендә һәр бала үз куллары белән яктылыкны кире кайтара торган уникаль брелок ясады. Хәзер безнең тәрбияләнүчеләрнең мөһим аксессуары гына түгел, ә аларның өйгә кайту юлын куркынычсыз итә торган шәхси «дусты» да бар. Мондый шөгыльләр балачактан ук юлда үз-үзеңне җаваплы тоту культурасын формалаштырырга ярдәм итә. 

24 ноябрьдә "Футболны мәктәпкә" бөтенроссия фестивале кысаларында узган "Иҗади бәйге" күргәзмәсе оештырылды. Бу чарада ике командадан барлыгы 51 бала катнашты! Балалар үзләренең иҗади идеяләрен чынга ашырып, футболга багышланган иҗади эшләр ясадылар. Күргәзмә барышында иң уңышлы эшләр билгеләп үтелде, һәм җиңүче команда бүләкләнде.

2025 елның 14 ноябрендә балалар бакчасында ел саен үткәрелә торган "Татарча диктант 2025" белем бирү акциясе узды. Акциянең максаты - татар теленә һәм мәдәниятына игътибарны җәлеп итү, бөтен дөнья буйлап татарларны берләштерү. Акция тел белемен тикшерергә һәм туган татар теленә мәхәббәт тәрбияләргә мөмкинлек бирә. Диктантның темасы танылган татар язучысы Каюм Насыйри әсәреннән өзек булды ("Кабуснамәдә"дән хикәятләр).
Акциядә тәрбиячеләр һәм балалар бакчасы хезмәткәрләре катнашты. "Татарча диктант 2025" акциясендә катнашучыларның барысына да туган телләрендә аралашуны саклап калырга теләүләре өчен рәхмәт белдерәбез.