24 декабрьдә узган рус әдәбиятыннан олимпиада быелгы олимпиадаларның соңгысы булды. Безнең укытучылар монда да сынатмадылар. 11 сыйныфтан Шәрипов С. (укытучысы Паллыева М.Р.) призер булды.Валиева Л.М әзерләгән 10 сыйныфтан Мусина Д. җиңүче, 7 сыйныфтан Гатина А. призер булдылар. Афәрин!

23 нче декабрьдә татар мәктәпләре арасында рус теленнән Бөтенроссия олимпиадасының муниципаль  этабы узды. 8 татар мәктәбеннән барлыгы 49 укучы катнашты. 10 сыйныфтан Мусина Д. җиңүче, шул ук сыйныфта укучы Гыйльфанова А. призер булды. Аларны әзерләгән укытучылары Валиева Л.М. га зур рәхмәт белдерәбез. Дианага Республикада да җиңү телибез.

Елдагыча мәктәбебезне кар сыннары  белән бизәдек.Кыш Бабай һәм Кар кызы гына түгел,  Габдулла Тукайның “Су анасы”, “Шүрәле”, “Кәҗә белән Сарык”, “Сөткә төшкән тычкан”, Кызыклы шәкерт, “Ак бабай” әкиятләре геройлары мәктәбебезгә кунакка килде. Укучылар , укытучылар, әти-әниләребез тырышлыгы белән бик матур кар сыннары ясалды.

17 нче декабрьдә районда татар әдәбиятыннан олимпида узды. 13 мәктәптән барлыгы 32 укучы көч сынашты. 11 сыйныфтан Ләйсән Вәлиева җиңүче, 10 сыйныфтан Диана Мусина, 9 сыйныфтан Элмира Салихова, 7 сыйныфтан Данияр Авзалов призер булдылар. Укучыларны һәм аларны әзерләгән укытучылары Нәзилә Фәннүровнаны зур уңышлары белән тәбрик итәбез. 

Туган телен яратмаган кеше юктыр ул. Әмма аның нечкәлекләренә төшенү өчен зур тырышлык, тирән белем кирәк.16 нчы декабрьдә татар теленнән узган олипиадада 11 сыйныфтан Шәрипов Салават, 10 сыйныфтан Айсылу Гыйльфанова, 9 сыйныфтан Чулпан Зиатдинова призлы урын яуладылар. Укытучылары Нәзилә Фәннүровна әйткәнчә, тырышып әзерләнүләребез бушка булмаган икән. Башка елларга да үрнәк булсын! Зур уңышлар сезгә!

4.12-12.12 арасында мәктәп Бөтенроссия “Код сәгате”акциясендә катнашты. Укучылар яңа мәглүмат технологияләренә багышланган видеоролик белән танышканнан соң, һәрберсе үзенең “Код сәгате”н узу өчен укытучыдан күрсәтмәләр алды. Балалар узышы-узыша төрле дәрәҗәдәге биремнәр үттеләр, ребуслар чиштеләр. Өлкән сыйныф укучылары уку йортлары белән таныштылар. “Код сәгате” узган һәр укучы һәм укытучы сертификат алды. Акциядә катнашкан иң кечкенә кешегә 5 яшь булса, иң өлкәненә 51 иде.10 нчы баскычка җиткән Галиева Илүзә һәм Галиев Раилгә информатика һәм МКТ укытучысы Мингалимова Р.Р. истәлекле бүләкләр тапшырды.

Декабрьнең беренче көннәреннән үк мәктәп территориясендә хоккей кордында боз катырылды. Яңа шугалаклар кайтартылды. Кичке якта мәйданчык яктыртыла. Боз өсте буш тормасын өчен сезне барыгызны да мәктәп коллективы шугалакка чакыра.

1 нче декабрьдә 6 сыйныф укучылары Фәнис Яруллинның “Хикмәтле алма” пьессасын сәхнәләштереп, үзләренең әниләренә күрсәттеләр. Укучылар чын артистларча чыгыш ясадылар. Әсәрнең эчтәлеге дә бик тәрбияви, мавыктыргыч иде. Сыйныф җитәкчесеНәзилә Фәннүр кызының татар теле укытучысы булуы да балаларга зур этәргеч булды. 

Безнең мәктәптә башлангыч сыйныф укучылары өчен “Әкияттә кунакта“ түгәрәге эшли. Балалар үзләренең әниләре белән бергәләп түгәрәктә әкият уйнап күрсәттеләр. Башта балалар чыгышы булды, ә аннан соң әниләр “Шалкан әкияте”н балаларга сәхнәләштерделәр.  Түгәрәкнең җитәкчесе Шайхаттарова И.М. балалар белән маскалар, костюмнарны түгәрәкнең алдагы утырышларында ясаган.

28 ноябрь көнне “Әниләргә зур бәйрәм” исеме астында 5 сыйныф укучылары матур кичә оештырдылар. Бәйгеләрдә укучылар гына түгел, әниләр дә үз белемнәрен күрсәттеләр.Парлап биеделәр, истәлеккә фотога да төштеләр.