6 нчы февраль көнне мәктәпкә Әкият апа кунакка килде. Кечкенәдән үк әкият сөюче 2 нче сыйныф укучылары төрле әкият геройлары төсле киенеп, район методистлары, әти-әниләре алдында имтихан тоттылар. Түгәрәк җитәкчесе Индера Мөхтаровна белән өйрәнгән әкиятләрен уйнап күрсәттеләр.

Шул ук көнне “Оста куллар” түгәрәге укучылары да түгәрәк утырышында үз куллары белән ясаган сәнгать җимешләреннән күргәзмә оештырдылар.Яшь, талантлы Инзилә апалары үзе дә оста, балаларга да шул осталыкларын җиткерү өчен зур тырышлык куя, иҗади якын килә.

27 нче гыйнвар көнне тарих укытучысы Хасаншина Н.Х. җитәкчелегендә Герой пионерларга багышланган чара узды. Укучылар Бөек Ватан сугышы елларында авылдашларыбызның пионер сафларында тору чорында күрсәткән фидакәръ хезмәтен чагылдырган материаллар белән таныштырдылар. Герой исемен алган пионерларның туган илебезнең азатлыгын яулап алу өчен күрсәткән батырлыклары турында сөйләштеләр.

Мәктәбебездә “Татарстан Республикасының ел укытучысы -2015” конкурсының мәктәп туры бара. Укытучыларыбыз арасыннан әлеге конкурста Карпова В.В., Нуриева Г.И., Мингалимова Р.Р., Галиева Р.Р. катнашырга теләк белдерделәр. Алар ачык дәресләр күрсәтте, портфолиолары белән таныштырды. Яңа укыту технологияләре кулланып, мастер-класслар үткәрделәр. 

10 гыйнвар көнне 8, 9 класс укучылары класс җитәкчеләре Нуриева Г.И. җитәкчелегендә сугыш һәм хезмәт ветераны Әмиров Мәхмүт абыйлар гаиләсендә шефлыкка бардылар. Аларның хәлләрен белеп, карларын чистартып, өй эшләрендә ярдәм күрсәттеләр. Әмировлар балаларның килгәнен һәрвакыт көтеп тора. Озатканда да алар үзләренең изге теләкләрен теләп, рәхмәтләр әйтеп калдылар. Ветераныбызга сәламәтлек теләп калабыз.

Кышкы каникулда да 5 сыйныф укучылары һәйкәл янын кардан чистартып торды. Шулай ук барлык укучылар д әби-бабайларны онытмады. Капка төпләрен ялт итеп чистарттылар.

29 декабрьдәмәктәптә көндезге сәгать 10 да балалар өчен “Хуш киләсең, Яңа ел!” иртәсе булды. Балалар өчен тамашага Кыш бабай , Кар кызы, Яңа ел һәм әкият геройлары килде. Концерт номерлары белән һәркем катнашты.

 Мәктәптә чисталык көне үткәрү традициягә әйләнде.Бу – туган җиребезне, табигатебезне саклауга юнәлдерелгән максатчан эш. Презентация барышында укучыларга бик күп материал бирелде.Уйландырырлык фактлар ачыкланды.