Башлангыч сыйныфлар мәктәп янындагы мәйданчыкта  хәрәкәтчән уеннар уйнадылар. Язның матур көннәрен тасвирлап, рәсемнәр ясадылар.

Язгы каникуллар вакытында чыгарылыш сыйныф укучылары имтиханнарга әзерлекне дәвам итте. "Русское слово" түгәрәгендә 5, 8, 11 сыйныф укучылары шөгыльләнә. Укытучылары Майя Рашидовна балаларның имтиханнарны  уңышлы гына бирәчәкләренә ышаныч белдерә. Эзлекле рәвештә әзерләнүләрен әйтә.

"Балкыш" балалар фестиваленә йомгак ясалды. Безнең мәктәп укучылары да районда үткәрелгән фестивальдә актив катнаштылар. Фольклор ансамбле, "Наз" бию коллективы, алып баручы Хаматдинова Бөек Җиңүнең 70 еллыгына багышланган чаралар дәвам итә. Балалар тарафыннан "Үлемсез полк" төзү өчен материаллар туплау эше оештырылды.

"Страна талантов" Бөтенроссия акциясенең нәтиҗәләре билгеле булды. Математикадан олимпиадада катнашкан 5 нче сыйныф укучылары Адеев, Нуриева, Гайнетдинов (укытучылары Мингалимова Р.Р) проектның дипломнары белән бүләкләнде.

11 март көнне барлык район укучылары "Балкыш" балалар фестиваленең ярымфиналына Күзкәй мәдәният йортына җыелды. Безнең мәктәп укучылары да бу конкурста актив катнаштылар. Аеруча малайларның активлыгы сизелеп торды. 5-7 сыйныф малайлары матур итеп җырлап, бабайларының яшьлеген искә төшерде. Фольклор ансамбль чыгышы, "Наз" бию коллективының "Без тынычлык ягында" биюе тамашачыларга ошады.Мәктәпнең тәрбия эшләре буенча дирктор урынбасарв Кашапова Э.Н., "Наз" бию коллективы җитәкчесе Валиева Л.М, җыр укытучысы Габдуллина А.Р. балаларны әзерләүгә зур тырышлык куйдылар.

5 март көнне Күзкәй мәдәният йортында  сугыш һәм тыл ветераннарына Бөек Җиңүнең 70 еллыгына багышланган истәлекле медальләр һәм бүләкләр тапшыру тантанасы булды. Тантанада Тукай районы башлыгы Васил Гарипович барлык катнашучыларны зур бәйрәм белән котлады. Хөкүмәтебез исеменнән түшләренә медальләр кадады.Бәйрәм тантанасын мәктәп укытучылары һәм укучылары әзерләгән концерт бизәде. Бәйрәмдәге чыгышлары беркемне дә битараф калдырмады. Күпләрнең күзләре яшькә чыланды. Җирле үзидарә башлыгы барлык ветераннарга баш иеп, рәхмәт әйтте.

      25 нче февральдә “Балкыш”балалар фестиваленең сайлап алу туры  булды. Әлеге  фестивальдә “Наз” бию төркеме, фольклор коллективы, нәфис сүз осталары  һәм  малайлар хоры чыгыш ясады.Финалга узган укучыларга уңышлар телибез.

1.       Укучылар  сугыш ветераннарына  һәрвакыт шефлыкка  баралар.  10, 11 сыйныф укучыларын иң активлары дип әйтергә мөмкин. Безнең илнең азатлыгы өчен көрәшкән ветераннар хәзер авылда да 4 кенә. Инде олыгаеп барган ветераннарыбыз безнең ярдәмгә мохтаҗ.

22 февральдә рус теленнән олимпиаданың республика туры узды.Безнең мәктәптән Гыйлфанова Айсылу призерлар арасында иде. Укытучысы Валиева Лилия Музафаровна белән куйган тырышлыклары бушка китмәде. Айсылу җиңүчедән дә 7 баллга гына калышты. 

1.       21 нче февраль көнне мәктәптә “Ватанны саклаучылар” көненә багышлап “Ягез әле, егетләр !” бәйгесе узды. Бәйгедә 5- 7 нче сыйныф  малайлары көч сынашты.Малайлар мылтыктан ату, турникта тартылу, канат тартышу һәм башка шундый җитезлек һәм көч сорый торган сынауларны үттеләр. Беренче урынны 5 нче һәм 7 нче сыйныф укучылары бүлеште.