21 апрельдә Казанда 11 нче тапкыр "Татар-дозор-2019" квест-уены узды. Быел да безнең гимназиядән 10 класс укучылары: Ибатуллина Зилә, Нигмәтҗанова Лилия, Саттарова Дилара катнашып, Казанның Бауман урамы, Кирмән, Ирек мәйданы һәм Татар бистәсендә төрле биремнәрне үтәп, үзләренә кызыклы мәгълүмат тупладылар.

12.04 төрле чараларга бай булды. Башлангыч һәм урта сыйныфлар Космонавтика көненә багышланган чараларда катнашса, югары сыйныф укучылары шагыйрә, публицист, җәмәгать эшлеклесе Нәҗибә апа Сафина белән бик матур, җылы очрашу үткәрделәр. 2 сәгатьлек  чара  бик тиз узып китте. Балалар Нәҗибә Сафинаның шигырьләрен укыдылар,үзләрен кызыксындырган сораулар аша, шагыйрәнең бик кызыклы һәм зыялы әңгәмәдәш икәненә төшенделәр,тормышы һәм иҗаты белән тулырак таныштылар. Нәҗибә апалары  белән фотога төштеләр. Бу очрашу балаларның күңелләрендә әле бик озак сакланыр.

Н.И.Лобачевский исемендәге Бөтенроссия фәнни-гамәли конференциясендә ике секция эшендә катнашып, 11 нче сыйныф укучысы Гобәйдуллина Ландыш II һәм III дәрәҗә Дипломнарга ия булды.

Укытучысы: Фәхретдинова Гөлшат Мөхәммәтовна.

 02.04 - Бөтендөнья балалар китабы көне. Әлеге көн әкиятче Г.Х.Андерсенның туган көненә  туры китереп билгеләнгән. Бу көннәрдә безнең гимназиядә дә  Балалар китабы атналыгы уздырыла.Укучыларыбыз китапханәче апалары белән серле китап иленә сәяхәт кылалар.Шулай ук чаралар  ахырында  "Иң күп китап укучы" билгеләнәчәк.

28 мартта  Әлмәт шәһәрендә  "Моңлы тамчы" фольклор коллективлар фестивале узды.Безнең гимназиядән Галиева Г.Ш. җитәкчелегендә "Энҗе бөртекләре" коллективы катнашты. "Чишмә буе" йоласы белән чыгыш ясадылар. Гала концертта лауреат дипломын яуладылар. Без аларны котлыйбыз!

Укучыларыбыз 3 нче чирекне уңышлы тәмамлап, гимназиябезнең "Тылсым иле" лагерына йөри башладылар. Безнең мәктәп яны  лагере  чыннан да бик ТЫЛСЫМЛЫ! Укучыларыбыз Габдулла Кариев исемендәге яшь тамашачылар театрында, Пирамида күңел   ачу үзәгендә, Габдулла Тукай музеенда, Казан шәһәренең экология үзәгендә, шәһәр китапханәсендә булып кайттылар. Лагерьдә  "Тылсымлы куллар", "Театр" түгәрәкләре уңышлы гына эшләп килә. "ГТО", "Игелекле йөрәк" темаларына рәсем, "Күңелле старт", "Отряд почмагы", шигырь һ . б.  конкурслар уздырылды. Гомумән алганда, укучыларның яллары бик күңелле, кызыклы һәм файдалы уза.

20,21.03 көннәрендә гимназиядә" Дәрестән тыш эшчәнлекне оештыруда эффектив юллар" исемле  республика семинары узды.Семинарда Татарстан Республикасы мәктәпләре укытучылары белән бергә  Чувашиядән килгән мөгаллимнәр дә катнашты. Чарада катнашучылар ачык дәресләр, мастер- класслар карадылар, " Милли мирас", " Алиш варислары", " Мәңгелек хәтер" ," Иске татар бистәсе" музейлары белән  таныштылар. Кунаклар " Күңелле тәнәфес" ләрне дә бик яратып кабул итте. Семинар   бик матур эшлекле  булды һәм оешкан төстә узды.

Набор детей в 1 -ый класс с татарским языком воспитания на 2019-2020 учебный год завершен, имеются 6 мест в класс  с татарским языком обучения.

    На  19.03.2019 года: в  1А классе ( татарский класс)  - 22 чел.  , классный руководитель - Гарифуллина Лейсан Шаукатовна , в  1 Б классе ( класс с тат.яз  воспитания) - 31 чел.,  классный руководитель - Зиннурова Наиля Зайнутдиновна, в 1 В классе ( татарский класс)- 34 чел., классный руководитель- Валеева Ильсия Яхиевна. 

13.03 көнне гимназиядә " Милли мәктәпләрдә  рухый- әхлакый тәрбия" исемле  татар теле һәм әдәбияты укытучыларының республика семинары узды.Семинарда Татарстан Республикасы мәктәпләреннән 50 дән артык укытучы катнашты. Гимназия  мөгаллимнәре  ачык дәресләр, мастер- класслар, дәрестән тыш эшчәнлекне яктырта торган чаралар күрсәттеләр, музей педагогикасы белән таныштырдылар.  Семинар  бик эчтәлекле һәм  оешкан төстә  узды.