Бөек татар шагыйре Габдулла Туайның  136 -еллыгы уңаеннан уздырылган " Моңлы саз чыңнары" республикасы бәйгесендә 1 нче А сыйныфы укучысы Ризванов Гайсә ( укытучысы- Корбанова Лидия Николаевна) катнашып, II дәрәҗә Дипломга лаек булды. Котлыйбыз һәм яңа уңышлар телибез!

Ученик 1 А класса Ризванов Гайсэ  активный участник многих литературных конкурсов. В преддверии дня рождения великого тататрского поэта Г.Тукая  он принял участие  в конкурсе и стал Лауреатом I степени  республиканского творческого конкурса "В созвездии Пушкина и Тукая". Поздравляем! Котлыйбыз!

23 .04 көнне Бөтенроссия акциясенә кушылып, гимназия укучылары  өмәгә чыктылар.  Көннең җылы, кояшлы  булуы,  эшне тагы да җиңеләйтте. Балалар укытучылар белән бергә  саф һавада  рәхәтләнеп эшләделәр. Территориябез чистарды, көн тагы да яктырып киткәндәй булды.

Физкультура укытучысы  Тимерханов Рөстәм Хәниф улы җитәкчелегендәге  егетләр Волейбол командасы зона, район турында күпсанлы  көндәшләрен  җиңеп, шәһәр ярышларында катнашу хокукына ия булдылар. Котлыйбыз һәм уңышлар телибез!

Олимпиада- ул көчлеләр ярышы. Шуңа күрә аңа  берөзлексез   әзерләнергә, зур тырышлык, сабырлык  күрсәтеп, бик күп өстәмә материал  тупларга, белемне үстерергә кирәк. Укучыларыбыз бу уку елы дәвамында да  төрле дәрәҗәдәге фән олимпиадаларында катнаштылар. Узган елга карагандә быел уңышларыбыз  яхшырак булды.   Барлыгы 20 нәтиҗәле урыныбыз бар( исемлек беркетелде).

11.04 көнне Казан лигасының  " Әйдә, ШаяРТ!" бәйгесендә гимназиянең " Түбәтәй" командасы ( җитәкчесе  - Гайнуллина Разилә Фәнусовна) катнашып, " Уен ачылышы" номинациясендә җиңү яулады. Котлыйбыз!

21 март- Нәүрүз бәйрәме  һәм Бөтендөнья Шигърият көне. Бүген балалар Нәүрүз бәйрәменең йолалары, үзенчәлекләре турында сөйләштеләр, Бөтендөнья Шигърият көне уңаеннан һәр дәрестә  шигырьләр укыдылар.

16.03 көнне гимназия укучылары шагыйрә, С.Сөләйманова, А.Алиш премияләре лауреаты, Татарстан Республикасының сәнгать эшлеклесе Эльмира Шщрифуллина белән очраштылар. Әдәби- музыкаль кичәдә укучылар гына  түгел,  язучы үзе дә   шигырьләрен укыды, балаларның сорауларына җавап бирде.Чара  җыр- биюләр белән үрелеп барды. Курайчылар ансамбленең чыгышы да Э.Шәрифуллинаның   күңеленә хуш килде.

11.03.2022 көнне гимназиядә Мәдәни мирасны саклау елы кысаларында  традицион " Җыр фестивале"  узды. Ул быел VII тапкыр уздырылды, чара татар халкының мәшһүр җырчысы Илһам Шакиров иҗатына багышланды. Бу чарада укучыларыбыз бөек җырчы репертуарыннан җырлар, шулак ук татар халык җырларын башкардылар. Һәр сыйныф зур әзерлек күрсәтте. Балалар  халык җырларын биюләр белән җанландырып бик матур итеп башкардылар. Бу фестиваль генә түгел, чын бәйрәм булды. Һәр сыйныф Дипломнар гына түгел, ә баллы күчтәнәчләр дә алды.