Бүген  безнең бакчада зур бәйрәм – бакча белән хушлашу!

Без бакчабыздагы иң акыллы, иң тәртипле кызларны, малайларны мәктәпкә белем алырга озатабыз

Ничә ел инде менә

Майның шушы көнендә,

Безнең матур бакчагага

Мәктәптән хәбәр килә.

Безнең бакча балаларын

Укытучы апалары

Беренче сыйныфка дип

Укырга чакыралар!

Бүген менә аларны,

Бергә-бергә, әлбәттә,

Тантаналы рәвештә

Озатабыз мәктәпкә!

Бүген бездә мәктәпкә әзерлек төркеме белән Җиңүнең 70 еллык бәйрәмен уздырдык. Бәйрәмгә сугышта катнашкан Хан бабай да килгән иде. Ул үзенең сугышта булган тарихы турында сөйләде, балалар кызыксынып тыңладылар. Рәхмәт әйтеп шигырләр сөйләделәр , җырлар  җырладылар.

Балалар! Әгәр сез иртә белән ефәк яфраклы гөлләрнең чәчәк атуын күрәсез икән, сез шул иртәдәге өй каршындагы тирәкләрдә кошлар сайравын ишетәсез икән, беле­гез — бу иртәнге шатлыкта сугышта үлеп калганнарның, фашизм тот­кынлыгында үлеп калган солдатларның ялкынлы тормышы бар. Әгәр дә сезнең әбиегез, я әниегез йомшак куллары белән башыгыздан сый­пый икән, үзенең моңлы күзләре белән сезнең күзләрегезгә тутырып карый икән — белегез — ул күзләрдә сугыштан кайтмаган бабалары­гыз һәм әтиләрегез турында тирән сагыш бар. Әгәр сез тыныч өйдә яшисез, матур бакчаларга йөрисез, уйныйсыз икән, белегез — бу җирдә сезнең матур яшәвегез өчен меңләгән солдатларның каны түгелгән. Бу тормышның кадерен белегез! Һәм бабаларыгызны хөрмәт итеп, искә алып аларга чәчәкләр салыйк.

Җиңү көне иң зур бәйрәм —

Туп тавышы тынган көн.

Сабый бала саф күзләрен

Кырда түгел, карда түгел,

Бишегендә йомган көн.

 Җиңү килде җирне нурга күмеп,

Шатлык белән күзне чылатып.

Килде ул көн — горур күкрәкләрдә

Орден-медальләрне чыңлатып.

Бөек җиңүнең 70 еллыгына багышланган спорт бәйрәме уздырылды.

 Сәнгать мәктәбеннән  Раиса Ибрагимовна җитәкчелегендә Җиңүнең 70 еллыгына багышланган концерт белән балалар чыгыш ясадылар. Рахматуллина Рената, Гайнемова Рузанна, Яхина Рания, Сагдатова Дания, Назмутдинова Ралина бик матур җырлап, биеп, балалрның күңелләрен күтәрделәр. Балалар шатланып зур алкышлар белән артистларга рәхмәт әйттеләр.

Без бүген  балалар бакчасында Г.Тукайның  туган көнен билгеләп үттек. Аны зурлар төркеме әзерләде һәм күрсәтте. Бәйрәм бик матур һәм күркәм булды.

Тукай җыры, Тукай моңнары!

Кызганычка, бик аз яшәгәнсең,

Кыска булган гомер юлларың.

Җыелалар һәр яз синең янга,

Кулларында ландыш, лилия.

Халкың синең белән горурлана,

Халкың сиңа бүген баш ия!