Бүген, Лилия Федоровна балалар белән ачык шөгыль күрсәтте. Педагог максатчан рәвештә балаларны тәкъдим ителгән һәр сүзгә аваз анализы ясарга: сузык авазларны, калын һәм нечкә әйтелешле тартык авазларны аера белергә, сүзләрне иҗекләргә бүлергә, бирелгән модельләргә туры китереп сүзләр сайларга өйрәтте.  Шөгыльдә балалар белемнәрен тагы да ныгырак яхшырттылар.Уңышлар Сезгә!

 Безнең балалар бакчасында  Әлмәт курчак театры " Зимушка-зима" әкияте белән чыгыш ясады. Әкият  матур булды һәм балаларга бик ошады.

Кадерле, газиз әниләребез! Сезне бәйрәмегез белән чын йөрәктән котлыйбыз! Сезгә ныклы сәламәтлек, озын гомер телибез. Балаларыгызга картайган көннәрегездә дә терәк булып, ә сезгә, гомер буе алар янәшесендә, кадер – хөрмәттә яшәргә язсын.

Балагызның берәве сез,

Гаиләнең йөрәге сез.

Иминлекнең терәге сез.

Һәркемнең иң кирәге сез.

 Безнең балалар бакчасы бәйрәмнәрне читтә калдырмыйча тырышып эшлиләр һәм һәрберсен билгеләп үтәләр. Шуларның берсе ӘНИЛӘР бәйрәме.Аны зурлар төркеме тәрбиячеләре, физкультура инструкторы Арефьева Римма Ханифовна, музыка җитәкчесе Фаттахова Гөлфия Фәррәзовна оештырдылар. Бәйрәмдә әниләр спорт киемнәре киеп катнаштылар, ул үзенчәлекле, кызык һәм мәвыктыргыч булды.Ярыш азагында мөдир Абзалова Кәримә Габделхаевна  нәтиҗә ясап әниләрне бәйрәм белән котлады.

 Балалар әниләре белән бергәләп рәсем конкурсында катнаштылар.Анда нинди генә матур композицияләр юк. Болар барысыда әниләрнең һәм балаларның тырышлыгы.Аларга ЗУР РӘХМӘТ әйтеп киләчәк кокурсларда да актив катнашуларын телибез!

Безнең балалар бакчасында әти-әниләр җыелышы булып узды. Җыелышта участок инспекторы Фаретдинов Ленар Рандусович, үзәк хастәханә  педиатры Агзамова Асия Амировна катнаштылар. Бакча мөдире Абзалова Каримә Габделхаевна яңа стандарт, алда торган бурычлар, эшләнгән эшләр турында сөйләде. Участок инспекторы Ленар Рандусович терроризм,  педиатр Асия Амировна туберкулез  турында сөйләделәр. Әти-әниләр алдында балалар үзлренең сәләтләрен күрсәттеләр, концерт куйдылар.