Бүген безнең мәктәбебездә 8 сыйныф укучыларын "Яшьлек" клубына кабул итү тантанасы булды. Бәйрәм барышында 8-11 сыйныф укучылары арасында төрле бәйгеләр үткәрелде. Соңыннан 11 класс укучылары "Яшьлек" клубына яңа аяк басучыларны 3 командага бүлеп, кызыклы уеннар уйнаттылар. Нәтиҗәдә "Яшьлек" клубы членнары 46 га җитте.

25 нче октябрь көнне башлангыч класс укучыларына мәдәни көндәлекләр тапшырылды. Балаларга мәдәният өлкәсендә туган ягыбыз тарихын өйрәнүдә зур уңышлар телибез.

Бүген безнең мәктәптә "Көзге бал" бәйрәме үткәрелде. Бәйрәм төрле конкурслар белән уралып барды. Ике маңгай арасына туп куеп бию, биеп утыручы кызларның чәчен үрү, җептән алма ашау укучыларга бик кызыклы булды. Иң соңыннан һәр класс мода күрсәтте. Бәйрәм балаларга бик ошады.

21 нче октябрь көнне Сарманда писхологларның республика семинары үтте. Семинарда бик кызыклы күргәзмә оештырылган иде. Безнең мәктәптән күргәзмәдә өстәмә белем бирү педагогы Хафизова Илсинә Баязитовна  һәм 4 сыйныф укучысы Юнысова Рания   катнаштылар.  Алар гәҗиттән кәрҗин үрделәр. Килгән кунаклар аларның эшенә аерым игътибар итте 

Мәктәпләрдә  укучыларның  бөтенроссия һәм республика олимпиадалары туры үтә. Бүген 5-11 класс укучылары рус әдәбияты фәненнән олимпиада эшләделәр.  

     13 октября в г. Альметьевске прошёл республиканский семинар учителей начальных классов по теме «Образовательный процесс  в условиях реализации ФГОС НОО: средства достижения планируемых результатов».

     Методисты начального образования ИЦ «ВЕНТАНА- ГРАФ» выступили на темы:

- Концептуальные основы и методические особенности УМК «Начальная школа ХХI века”...

Бүген безнең мәктәбебездә тарихи очрашу булды. Районыбызның музей хезмәткәрләре авылыбызның  бердәнбер ветераны Абдуллин Габделхак Габдулла  улына багышланган видео әзерләгәннәр. Бу видеода  Габделхак абыйның сугыш юллары тасвирланган. Очрашуга ветераныбыз улы- шушы мәктәпнең элекке директоры Абдуллин Нур Габделхак улы һәм килене рус теле һәм әдәбияты укытучысы булган Абдуллина Нурия Фәйзрахман кызы белән килгән иде. Музей хезмәткәрләре Габделхак абыйга  1943нче елда кул куелган тарихи таныклык тапшырдылар. Кичәдә Габделхак абый белән бергә эшләгән, аның укучысы булган Фәния Шакировна үз хәтирәләре белән уртаклашты. Кичә чәй өстәле артында дәвам итте.

Бүген районыбызда мәгариф хезмәткәрләре спартакиадасы узды. Безнең мәктәпнең инглиз теле укытучысы  Гүзәл Аминовна озынлыкка сикерү буенча хатын-кызлар арасында 2 нче урынны яулады. Аны уңышлары белән котлыйбыз. Киләчәктә дә биек үрләр генә телибез.

2нче октябрь көнне Зур Нөркәй урта мәктәбендә өлкәннәр көненә багышланган кичә узды. Кичәгә озак еллар шушы мәктәптә тырыш хезмәт куйган өлкәннәребез килде. Алар үзләренең тормыш юлларын сөйләделәр, мәктәптә булган кызыклы очракларны искә төшерделәр. Һәрберсенең  чыгышы презентация белән үрелеп барды. Укучылар бик матур концерт номерлары күрсәттеләр. Кичә чәй табыны артында дәвам итте. Лаеклы ялга чыгучы хезмәткәрләребез арасында бик матур җырлаучыларыбыз да бар. Алар безне үзләренең җырлары белән куандырдылар.   

1 нче октябрь бөтен Россия буенча өлкәннәр көне буларак  билгеләп үтелә. Без барлык өлкән кешеләребезне  бәйрәмнәре белән тәбрик итәбез. Аларга сәламәтлек, күңел тынычлыгы, балаларының игелекләрен тоеп яшәүләрен телибез.     

 Бәхетләре булсын җирдә һәр кешенең

                                                                Күге аяз, җире гел чәчәк.

                                                                Һәммәбезгә - сезгә, безгә, илгә

                                                                Без телибез якты киләчәк.