Атна дәвамында балалар шагыйрьнең шигырьләре, әкиятләре белән танышты.Алар урмандагы Шүрәленең кысылган бармагын кызгандылар, Су анасының алтын тарагын эзләделәр, күбәләкләргә кушылып очтылар, Маэмайга ияреп төз утырырга өйрәнделәр. Су анасы алтын тарагын эзләп  безнең балалар бакчасына да килгән иде.  Әкияттәге кебек малай безнең бакчада булмагач, тарак табылмады. Су анасы ролен кече тәрбиячебез Резеда Валиева бик оста һәм яратып башкарды.

9 май – Бөек җиңү көне.  Бу уңайдан районыбызда мәктәпкәчә яшьтәге   балалар арасында , әлеге теманы яктырткан открыткалар ясау конкурсы узды.Безнең балалар бакчасында тәрбияләнүче балалар да әти- әниләре белән берлектә әлеге конкурста катнашу өчен  открыткалар ясап алып килделәр. Дәүлетшина Диана конкурста 3 нче урынны алып , район мәгариф бүлегенең грамотасына ия булды.

Әлеге атна барышында балалар белән янгынга каршы куркынычсызлык кагыйдәләрен искә төшердек. Куркыныч туган очракта нинди телефон номерларына шалтыратырга, янгын килеп чыкса, аны ничек сүндерергә, дигән сорауларга җавап таптык. Конструкторлаштыру эшчәнлегендә балалар янгын сүндерү машинасын кисеп ябыштырдылар.

2 нче апрель  - халыкара балалар китабы көне. Бу көнне, 1967 нче елдан алып, Ганс Христиан Андерсен туган көнне бөтен дөнья бәйрәм итә. Әлеге язучыны  балалар үз итәләр, әкиятләрен яраталар.Җыелып әкият укыган вакыт- балаларның иң яраткан мизгелләре.

Бүген көннең матурлыгыннан файдаланып, табигатьне күзәтергә чыктык. Кояш нурларында карның ялтыравы да, йомшак карның катыга әйләнеп аякларның кар өстендә  батмавы да, агач бөреләренең  язга таба  үзгәрүе дә,  безнең өчен зур яңалык булды.

Атналык барышында балалар татар һәм рус халык әкиятләре белән таныштылар.Барысының да яраткан "Шалкан" әкиятен рольләргә бүлеп уйнадылар. Үзләренең нинди китаплары барлыгын сөйләделәр. Китап,журналларны сакларга, аларны яңартырга өйрәнделәр.

Атна дәвамында балалар белән спорт һәм сәламәтлек турында сөйләшү булды. Көн саен спортның бер төре белән таныштылар, презентацияләр карадылар, күңелле стартлар оештырылды.

Безнең балалар бакчасының иң башлы егетләре Эмиль белән Риназ. Алар киләчәктә иң шәп уйлап табучылар булырга хыяллана.

Конструкторлаштыру эшчәнлегендә балалар тәрбиячеләре Ләйсән Илсуровна белән матур вазалар ясадылар. Бушаган пластик шешәләрне эшкә яраклаштырып, сок эчә торган таякчыклардан чәчәк ясап, бүлмәне матурлап куйдылар алар.