Халкыбыз өчен гаять зур, бәя биреп бетермәслек рухи байлык калдырган бөек шагыйребез Габдулла Тукайның туган көне уңаеннан мәктәп күләмендә шигырь бәйрәме үткәрелде, күргәзмә әзерләнде, укучылар иҗат иткән шигырьләрдән "Шигъри тәлгәшләр" дигән китапчыклар эшләнде.

Бүген 3а сыйныф укучылары белән "Без - Тукай шәкертләре" дигән бәйге үткәрелде.  

"Экологик уикенд" акциясе уңаеннан мәктәбебездә экологик дәресләр үткәрелде, "Сбор батареек" акциясе оештырылып, кулланышта булган батарейкаларны җыю оештырылды, шулай ук "Собери макулатуру - спаси дерево" акциясендә укучыларыбыз һәм укытучылар актив катнашты.

Җирле үзидарә көне уңаеннан 8-11нче сыйныф укучылары белән Эзмә авыл җирлеге башлыгы Гайфиев Р.Ш. катнашында тематик дәрес үткәрелде.

11нче сыйныф укучысы Йосыпова Ризәлә татар теленнән V Халыкара олимпиадада катнашып, Гран-прига лаек булды. Ризәләне чын күңелебездән зур җиңүе белән котлыйбыз! Шулай ук әлеге олимпиадада 10нчы сыйныф укучысы Гыйбадуллина Айзилә дә  уңышлы чыгыш ясады. Кызларга алга таба да зур уңышлар теләп калабыз.

"Спортивный Татарстан" ациясе уңаеннан мәктәбебездә барлык укучылар белән сәламәтлек минутлары , 5нче сыйныф укучылары белән "Күңелле стартлар"  үткәрелде. 3-4нче сыйныф малайлары Шәмәрдәндә баскетбол буенча, ә 7-8нче сыйныф егетләре Явлаштауда волейбол ярышларында катнашып кайттылар.

Бүген 5-11нче сыйныф укучылары белән экологик диктант язу оештырылды.

    Акциянең дүртенче көнендә “Тормышны саклап” дигән тема буенча донор көне билгеләп үтелде. "Россиянең мактаулы доноры" исеменә лаек булган мәктәбебезнең педагог оештыручысы Нәфисә Солтанәхмәтовна укучыларга донорның ирекле, игелекле гамәл  һәм донор булу өчен, теләк һәм сәламәтлекнең кирәк булуы турында  сөйләде. Тема буенча статистик мәгүълумат белән таныштырды. Шулай ук укучыларның сорауларына җавап бирде.

Акциянең өченче көнендә “Портал госуслуг – Ваш помощник и друг” темасы буенча рәсем  конкурсы үткәрелде. Һәм әлеге тема буенча тәрбия сәгатьләрендә Госуслуганың бик тә уңайлы портал икәне аңлатылды. Өйдәге өлкәннәрне әлеге порталдан куллану тәртибен өйрәтү кирәклеге искәртелде.  

“Язгы изгелек атнасы – яхшы эшләр эстафетасы” акциясе кысаларында, “Тарихи ватаныбызны саклыйбыз” дигән исем белән атналыкның  икенче көнендә мәктәбебез активистлары Бөек Ватан сугышында һәлак булучылар истәлегенә куелган обелискны чистарттылар. Тарих укытучысы Наилә Мансуровна башлангыч сыныф укучыларына мәктәпнең “Туган якны өйрәнү” музеенда авыл тарихы һәм элекке халыкның яшәеше турында сөйләде. Китапханәче Гөлфия Хашимовна укучыларны  туган як турындагы китаплар белән таныштырды, шигырьләр укыды.