Бүген лагеребыз "Рус теле көне"нә багышланды. Укучыларыбыз белән А.С.Пушкин әсәрләре буенча сәяхәт, әкиятләренә карата рәсем конкурсы оештырылды,  "О, великий, могучий русский язык!" дигән тема буенча брейн-ринг үткәрелде. Шулай ук мәдәният йорты белән берлектә үткәрелгән чарада да укучыларыбыз бик актив катнашты. Психологлар Алинә Икрамовна һәм Ләйсән Тәлгатовна да лагеребызда булып, укучыларыбыз белән психологик уеннар үткәрделәр.

Лаагерьнең бүгенге көне дә сизелми дә үтеп китте. "Наркотикларсыз тормыш" айлыгы кысаларында укучылар белән видеофильм карау һәм рәсем конкурсы оештырылды, иң яхшы дип табылган рәсемнәр күргәзмәгә куелды. Отрядларга бүленеп өстәл уеннары уйнадылар.Төшке аштан соң саф һавада хәрәкәтле уеннар да балалар күңеленә хуш килде.

Бүгенге көнебез дә мавыктыргыч чараларга бай булды. Балалар отрядларга бүленеп, "Минем Ватаным" дигән тема буенча проект эше - макетлар эшләделәр. Аннан соң, лагерьның тантаналы ачылуы уңаеннан, концерт оештырылды. Әлеге чарадан бер генә укучы да читтә калмады. Төшке аштан соң, "Состязяния здоровячков" үткәрелде. 

Бүген лагерьнең 2нче көне. Иртәнге аштан соң балалар белән медпунктта булып, буйлары һәм авырлыклары үлчәнде. Шулай ук фельдшер Шәйхетдинова Гөлназ Шәмсәт кызы "Наркотикларга - юк" темасы буенча балалар белән әңгәмә үткәрде. "Доктор Айболитта кунакта" дигән викторинада да балалар теләп катнашты. "Алло, без талантлар эзлибез" дигән мероприятие үткәрелеп, иртәгә куясы концертка номерлар барланды. Төшке аштан соң пластилиннан  хәрби техникалар ясадылар һәм ике отряд арасында күргәзмә оештырылды. Көн күңелле, файдалы узды. 

Бүген мәктәбебез каршында оешкан "Дуслык" ял һәм сәламәтләндерү лагере һәм "Кырмыска" ял һәм хезмәт лагере эшли башлады. "Дуслык" лагерена йөрүче балалар иртәнге аштан соң, отряд почмаклары чыгардылар. Шулай ук 1нче июнь - балаларны яклау көне уңаеннан "Дөнья- балалар күзлегеннән" дигән исем астында асфальтта рәсем ясау конкурсы оештырылды. Төшке аштан шушы бәйрәмгә карата "Күңелле стартлар" уздырылды.

Мәктәбебез тирәсен яшелләндерү буенча укучыларыбыз һәм укытучыларыбыз катнашында өмә үткәрелде.

Мәктәбебездә уку елына нәтиҗә ясап, укучылар белән зур поход оештырылды. Походта, традиция буенча, 10нчы сыйныф укучылары бирнә җыеп, күңелле татар халык уеннары оештырдылар.

Сонгы кыңгырау ул, урта мәктәпне тәмамлап, зур тормышка , олы дөньяга юлланган гаҗәп матур да, тыңгысыз да, соклангыч һәм авыр да булачагын искәртеп тора кебек. Бу чың укучыларның мәктәпләре һәм укытучылары белән хушлашу авазы.Безнең мәктәбебездә дә бу кыңгырау 11нче сыйныфтагы 6 укучы өчен яңгырады. Без 9нчы һәм 11нче сыйныф укучыларына алда торган дәүләт имтиханнарын уңышлы тапшырып, үз алларына куйган  максатларына ирешүләрен телибез. 

Мәктәбебездә бүген иртәдән үк бәйрәм рухы. Барлык укытучыларыбыз да кызыл пионер галстуклары такты, үзләренең пионерия елларын һәм шул чордагы эшчәнлекләрен кабат хәтерләрендә яңартты, укучылар белән уртаклашты.

Бүген мәктәбебездә тантаналы бәйрәм уңаеннан дружина сборы үткәрелде. Сборга төрле елларда мәктәпнең пионер оешмасы белән җитәкчелек иткән ветеран пионервожатыйлар чакырылды.