Бүген лагерьның 18 нче көне. Көнебез иртәдән бик күңелле башланып китте. Иртәнге зарядкадан һәм тәмле ашлардан соң ”Диңгез сугышы” уены, китап укучылар конференциясе үткәрдек. Ял сәгатендә саф һавада хәрәкәтле уеннар уйнадык.

   Санаулы көн тиз үтә дигәндәй, бүген хезмәт һәм ял лагере тәмамланды. Укучылар лагерьда ял итү дәверендә мәктәбебез бакчасында үзләренең күп хезмәтләрен куйдылар. Мәркәзебез Казан шәһәрендә, район үзәгендә, музейларда, авылыбызның сөтчелек комплексында экскурсияләрдә булдылар, пешекчеләребез әзерләгән тәмле ризыклар белән сыйландылар, табигатькә походка чыктылар. Кыскасы, рәхәтләнеп ял иттеләр. Ә бүген алар саубуллашу кичәсе үткәреп, лагерьны оештырган барлык укытучыларга һәм хезмәткәрләргә зур рәхмәтләрен җиткереп, өйләренә таралдылар. Сау бул, “Кояшкай”!

  Иртәнге аштан соң инглизчә сөйләшүче илләр буенча телдән сәяхәт үткәрелде. Аннан соң үткәрелгән “Озын толым” бәйгесендә укучылар үзләренең осталыкларын күрсәттеләр, матур прическалар ясадылар. Соңыннан отрядлар арасында бүләк – концерт оештырылды.

    Лагеребыз гөрләп эшләвен дәвам итә. Укучыларыбыз лагерьга бик теләп йөриләр. Бүген дә аларны күп кенә кызыклы һәм мавыктыргыч чаралар көтә. Мәсәлән: оригами буенча  конкурс, пионербол уены, “Зирәк бала” бәйгесе, ә көндезге аштан соң – “Сәлам юллыйм” тапшыруы.

   17 нче июнь көнне мәктәп һәм авыл музейларына экскурсия оештырылды, “Җырлыйк әле”, “Ай, күңелле биюләр!” исемле күңелле чаралар үтте, хәрәкәтле уеннар уйналды.

 Бүген район үзәгенә оештырылган экскурсия вакытында укучылар музейларда, китапханәдә булдылар. Очрашулар, экскурсияләр  вакытында үзләренә бик күп файдалы мәгълүматлар алдылар.

   Иртәнге аштан соң әкиятләр марафоны кысаларында, “Мин яраткан әкият” конкурсы үткәрелде. Ә аннан соң - велосипедчылар ярышы. Ярышта барлык укучылар да актив катнашты.