Мәктәбебезнең 5 нче сыйныф укучылары һәм аларның әти-әниләре "Тату сыйныф серләре" Республика конкурсының зона этабында катнашып, "Золотой фонд" номинациясендә җиңүче булдылар. Афәрин!. Аларны чын күңелебездән котлыйбыз һәм алга таба да зур уңышлар телибез.

   26 нчы октябрь көнне мәктәбебездә ата-аналар җыелышы булып үтте. Анда түбәндәге мәсьәләләр каралды: I чиреккә йомгак ясалды, каникул планы белән таныштырылды, ата-аналарга балаларның сәламәтлеге һәм иминлеге турында аңлатылды (укучыларның киемнәрендә яктылык кайтаргыч элементларның булырга тиешлеге, юлда йөрү кагыйдәләре турында), 71 нче закон турында искәртелде, укучыларның туклану мәсьәләсе каралды. Башлангыч сыйныф укучылары әти-әниләргә Р.Корбанның “Куркуын җиңгән куян” исемле бик матур эчтәлекле әкият-пьесасын тәкъдим иттеләр. Соңыннан җыелыш классларда дәвам итте.

Мәктәбебездә "Сакчыллык атнасы" кысаларында кургәзмә оештырылды.

   24 нче октябрь көнне Тимершык урта мәктәбе базасында 2004-2005 һәм 2006 нчы елгы кызлар командалары арасында волейбол буенча уеннар үткәрелде.

   Явлаштау урта мәктәбендә "Сакчыллык атнасы" кысаларында, 10 нчы сыйныф укучылары белән "Деньги в математике" исемле факультатив дәрес үткәрелде.

   Шекше төп мәктәбе базасында шашки буенча үткән зона ярышларында командабыз IV нче, Ганиев Айдар III нче урынны яулады. Котлыйбыз!

   23 нче октябрьдән 30 нчы октябрьгә кадәр мәктәпләрдә IV Бөтенроссия "Сакчыллык атнасы" үткәреләчәк.

   2003-2004 нче елгы укучылар арасында үткәрелгән шахмат ярышларының район турында укучыларыбыз III урынны яуладылар. Афәрин, котлыйбыз!