Габдулла Тукай - өлкәннәр һәм балаларның яраткан шагыйре. Аның шигырьләрен бабаларыбыз ятлаган, әти - әниләребез укып үскән. Хәзер без өйрәнәбез. Алар җанны җылыта, күңелне яктырта, туган телгә мәхәббәт уята. Бүген мәктәбебездә Г.тукайның 130 еллыгына багышлап, "И туган тел, и матур тел" дип исемләнгән шигырь бәйрәме үтте. Укучылар бәйрәмдә бик актив катнаштылар.  

   XVI районкүләм "Сәләтле балачак - өметле киләчәк" балалар иҗаты фестиваль - конкурсы дәвам итә. Бүген мәктәбебезнең "Мизгел" һәм "Балачак" бию төркемнәре "Хореография" номинациясендә катнашып, уңышлы чыгыш ясадылар. (Җитәкчеләре - Әхмәтҗанова А.Г.)

   Гомуми линейкада математика атналыгына йомгак ясалды. Конкурсларда, чараларда актив катнашкан укучыларга бүләкләр тапшырылды. Атналыкны күңелле һәм мавыктыргыч итеп үткәргән математика укытучысы Гафиятова Гөлүсә Айрат кызына зур рәхмәтебезне белдерәбез.

   Мәктәбебездә математика атналыгы кысаларында "Форт Боярд" уены үткәрелде. Уенның шарты буенча, укучылар төрле авырлыктагы биремнәрне үтәп, үзләренең белемнәрен күрсәттеләр.

Бу атнада өлкән сыйныф укучылары белән нарат һәм каен бөресе җыю оештырылды. Бу чарадан беркем дә читтә калмады, һәркем үзенең өлешен кертте.

   Татар халкының сөекле шагыйре Габдулла Тукайның тууына 130 ел тулу уңаеннан, аның тормыш юлын һәм иҗатын чагылдырган күргәзмә оештырылды. 

      12 нче апрель көнне 6 нчы сыйныф укучысы Галиева Гөлинә "Илһам" бөтенроссия яшь язучылар бәйгесенең "Пирамида" мәдәни - күңел ачу комплексында үткән йомгаклау турында катнашып, диплом белән бүләкләнде. Афәрин, Гөлинә!

   10 нчы апрель көнне Балтач муниципаль районында бадминтон буенча команда беренчелегенә республикакүләм ярышлар булып узды. Уеннарда районыбыз данын яклап, Явлаштау урта мәктәбе директоры Гибадуллин Зөлфәт Фоат улы, Завод Нырты урта мәктәбенең физик тәрбия укытучысы Зарипова Гөлнара һәм Шытсу авыл җирлеге башлыгы Мавлитов Булат чыгыш ясадылар. Уеннар никадәр киеренке булса да, безнең команданың тырышлыгы бушка китмәде, алар III урынга лаек булдылар. Аларны җиңүләре белән чын күңелдән котлыйбыз һәм киләчәктә дә уңышлар теләп калабыз.  

      Галәмгә беренче мәртәбә юл ачкан легендар шәхес Юрий Гагаринны искә алмаган кеше юктыр. Быел бу тарихи вакыйгага 55 ел тулды һәм шул уңайдан мәктәбебездә "Юрий Гагарин белән 108 минут" акциясе кысаларында күп төрле чаралар үтте. Укучыларга Ю.А. Гагаринның тормыш юлы, аның галәмгә очуы турында документаль һәм нәфис фильмнар күрсәтелде, "Йолдызлы сәгать" уены үткәрелде.

   10 нчы сыйныф укучылары белән "Йолдызлы сәгать" уены үткәрелде.