Мәктәпкә әзерлек төркеменең әти-әниләре катнашындагы  җыелышта Галимова Гөлсәрия Хадимулловна балалар белән математика иленә сәяхәт ясады. Алар әти-әниләренә саный белгәннәрен, геометрик фигураларны таный белүләрен төрле уеннар аша күрсәттеләр. 

Мәктәпкә әзерлек төркеме балалары тәрбияче апалары Фатихова Гүзәл Хамзевна белән әти-әниләргә бу көнне хәрефләрне танып кына түгел, ә авазлар белән эшли белүләрен дә күрсәттеләр. Табышмаклар чишеп, сүзне иҗекләргә аерып, уен ярдәмендә сүзләр уйлап әйтүләр карап утыручыларга гына түгел, ә балаларның үзләренә дә кызыклы булды.

 Мәктәпкәчә әзерлек төркеме балалары рус теленнән алган белемнәрен "космоска сәяхәт" ясаганда күрсәттеләр. Балаларга рус телен өйрәтүче   Вафина Лилия Ильфировна белән балалар  кояш системасындагы планеталарны искә төшерделәр, төрле мисаллар, табышмаклар чишеп, космик корабль җыеп, аңа утырып кызыклы гына сәяхәт оештырдылар.

Инглиз теле түгәрәге эшчәнлеге дә  кызыклы үтте. Түгәрәк җитәкчесе Аубакирова Гөлназ Альфредовна балалар белән могҗизалар иленә сәяхәт ясадылар. Балалар урмандагы хайваннарны да дәваладылар, самолетта да очтылар, саннарын да тезделәр. Чара кызыклы җырлар белән үрелеп барды

Балаларны Кояш системасы, космонавтика көненең тарихы белән таныштыруны дәвам итү. Галәмне яулау хакында мәгълүматларын тулыландыру, очучы космонавтлар белән таныштыру, батыр очучылар үрнәгендә горурлык хисе, патриотизм хисләре тәрбияләү максатыннан 8-12 апрель көннәрендә “Космоска – юл” атналыгы үткәрелде. Балаларның бердәм эшчәнлегендә "Күк җисемнәре", "Һава транспорты", "Очучылар", "Беренче очкыч", "Белка һәм Стрелка", "Космонавт Ю.А. Гагарин", "Галәмдә ниләр бар?" темалары аша тулысынча ачылды. "Космонавт булырга минем хыялым" темасы астында әдәби-музыкаль иртә үткәрелде, "Космоска юл" темасына күргәзмә оештырылды

Ата-аналар җыелышлары бакча күләм оештырылды. Һәр төркем тәрбиячеләре балалар белән нинди дә булса чара күрсәтте. Мәсәлән, уртанчылар төркеме балалары тәрбияче  Саматова Ләйлә апалары белән юл йөрү кагыдәләрен белүләрен расладылар. "Юл кагыйдәләре" дигән тема астында алар "машина да йөрттеләр", светофор уенын уйнадылар, табышмаклар чиштеләр һәм башка кызыклы мизгелләр күрсәттеләр.

Космонавтикага багышланган атналык  балаларга бик кызыклы булды Атна дәвамында балалар рәсемнәр ясадылар, пластелиннан ракета әвәләделәр һәм башкалар. Балалар эшләреннән күргәзмә дә оештырылды.

Балалар бакчасы тормышының бер мизгеле 11 нче апрель көнне ата-аналар хозурына тәкъдим ителде.  Җыелыш мәктәпкә әзерлек төркеме әти-әниләренә багышланды. Бу чарада ана теле, математика, рус теле бердәм эшчәнлекләренең барышы һәм инглиз теле түгәрәгенең эшчэнлеге кыскача гына күрсәтелеп чыгылды. Җыелышта бакча мөдире Исрафилова Миләүшә Корбангалиевна әти-әниләргә мәктәпкә кергәндәге хәзерлек турында, балаларга да, ата-аналарга да бергәләп бик тырышырга кирәклеген  ассызыклап китте һәм алда буласы  мәктәпкә озату бәйрәмнәрен матур гына үткәреп, балалар исән-имин зур юлга чыксалар без бик бәхетле булабыз  дип изге теләкләрен җиткерде.

Кешеләрнең эш көненнән соң махсус урыннарга барып ял итүләре, күңел ачулары, андый урыннарга баргач үз-үзеңне әдәпле, әхлалы, тәртипле тотарга кирәклеге турында белемнәрен ныгыту масатынан 1-5 апрель көннәрендә "Ял итү өчен җәмәгать урыннары" атналыгы булды.Бүген, 5 нче апрель көнне, театр түгәрәгенә йөрүче зурлар төркеме балалары көче белән "Юл чатында"  дип исемләнгән әкият сәхнәләштереп күрсәтелде. Нәни артистлар уйнавы ,клоун Кеша бүләк иткән сюрприз моментлар да кечкенә тамашачыларга бик ошады.Алар табышмаклар чиштеләр, фокуслар карадылар, клоунга балалар юл йөрү кагыйдәләрен өйрәттеләр.

Елдагыча үтә торган методик көнне "Әллүки" балалар бакчасы ШКАБ -skype дигән тема астында оештыралар дигәч, без нинди яңалык бу дип аптырап та калган идек. Кызыксынуыбыз юкка булмаган, дөрестән дә бүгенге чара бик үзенчәлекле һәм мавыктыргыч булып чыкты. Балалар чыгышлары, тәрбиячеләрнең сәләтле һәм актив булулары, педагогларның төрле яклап үз эшләренең осталары икәнен раслады. Без үз чиратыбызда бу күңелле чараны оештырган "Эллүки" балалар бакчасы коллективына рәхмәт әйтеп, зур уңышлар теләп, балаларның исән-мин булуларын теләп калабыз!