Бүген Ике Басу Арташ балалар бакчасында "Талантлы бала" дип исемләнгән конкурсның зона бәйгесе узды. Бәйгедә Олы Арташ, Ике Басу Арташ, Олы Нырты һәм Урта Нырты балалар бакчалары катнашты. Кечкенә артистлар җыр, шигыръ, бию номинацияләрендә катнашып, үзләренең осталыкларын күрсәттеләр.

     Безнең бакчадан Габдрахманова Энҗе катнашты. Ул үзенең яраткан әбисенә багышлап бик матур җыр башкарды. Бәйгедә катнашкан балаларның барысыда бик уңганнар һәм тырышлар иде. Бәйрәмне йомгаклап Ләйсән апалары балаларга рәхмәт әйтеп, бүләкләр өләште. Зона бәйгесендә җиңгән балаларга алга таба да уңышлар телибез.

Балалар "Иҗади сәнгать" -рәсем эшчәнлегендә Габдулла Тукай әкиятләрен ак биткә төшерделәр. 

Бүген Гаделнең туган көне. Аңа 4 яшь тулды.

Гадел! Сине туган көнең белән котлыйбыз!

Туган көндә матур теләк

Булсын әле үзеңә.

Күктән кояш балкып торсын,

Нурлар сибеп йөзеңә.

Иң изге теләкләр белән дусларың һәм бакчадагы апаларың.

Бу атнаның максаты  Г. Тукайның күпкырлы иҗатына кызыксыну уяту, әдәби әсәрләрен тыңлый, сөйли белүләренә , фикерләү, хәтер сәләтен үстерү, ихтирам хисләре тәрбияләү.

- Тукай туган ямьле яз аенда

Кырлай дигән татар авылында.

Моңлы җыры, үткен сүзе белән

Ул дөньяга шуннан танылган.

- Туган телен җырга салган Тукай

Телебезне бик тә яраткан.

“Шүрәле”не, “Су анасы”н  укып,

Күпме бала күңлен яңарткан.

Бүген бездә туган көн: Ильярга 4 яшь тулды. 

Ильяр! Сине туган көнең белән котлыйбыз!

Туган көнең котлы булсын,

Шатлан да син, көл дә син.

Килсен сиңа бәхет кенә,

Кайгы-хәсрәт килмәсен!

Иң матур теләкләр белән дусларың һәм бакчадагы апаларың.