27 сентябрь - тәрбиячеләр һәм балалар бакчасында эшләүче барлык хезмәткәрләрнең профессиональ бәйрәме. Шушы уңайдан балалар бакчасында эшләүче хезмәткәрләрне чын күңелдән тәбрик итәбез. Эшләрендә уңышлар, саулык-сәламәтлек, күңел тынычлыгы телибез. 

Бугенге матур бәйрәм белән балалар үзләренең яраткан апаларын котлап, чәчәкләр бүләк иттеләр.

Бала һәрвакыт шат күңелле һәм сәламәт булып калсын өчен, нигезне балачактан ук салырга кирәк. Шуны исәпкә алып, тәрбияче  Хазиева А. М. физкультура шөгылендә балаларның мускулларын үстерүгә, җитезлеккә, чыдамлыкка аерым игътибар бирә. Балалар физкультура белән теләп шөгыльләнәләр.

Бакча хезмәткәрләренең тырышлыгы белән бакчабызда бик матур чәчәкләр үсә. Балалар да булыша, әлбәттә. Иртә яздан тюльпаннар, чалмабашлар чәчәк ата башлый. Ел саен көзнең ахыргы көннәренә кадәр бакчабыз аллы-гөлле чәчкәләр эчендә утыра.

Бүген барлык мәктәп һәм балалар бакчалары белем бәйрәмен билгеләп үтә. Әти-әниләрне, барлык мәктәп һәм балалар бакчаларында хезмәт куючыларны, барлык укучыларны шушы матур бәйрәм белән тәбрик итәбез. Шатлык-куанычларга бай, хәерле, имин уку елы булсын! 

Бүген безнең балалар бакчасыннан  ике бала 1 нче сыйныфка укырга керә. Камил белән Самирны бакчада бергә уйнап үскән дуслары тәбрикләкләде. 

Камил һәм Самир! Ак юллар сезгә! Тәртипле, акыллы, тырыш булыгыз! 

Узебез тудырган матурлык!

22 август - Рәсәй әләме көне. Шушы уңайдан балалар белән әләмнен төсләре нәрсә анлатканын искә төшердек, аны ясадык.