Математика эшчәнлегендә мәктәпкәчә яшьтәге балалар белән 7-8 саннарын кабатладык һәм 9 саны белән таныштык. Йорт хайваннары арасыннан кыргый җәнлекләрне аерып зоопарк төзедек.

Төсле түгәрәкләр ярдәмендә  дәфтәр битендә ориентлашырга өйрәндек һәм зоопарк планын төзедек.

Бу атна эчендә "Россия зур дәүләт" темасы буенча эшлибез. Максат. Туган илне ярату, аның белән кызыксыну, туган илгә тугрылык сыйфатлыры тәрбияләү. Балаларның хәтерен, логик фикерләү сәләтен, кызыксынучанлыкларын, диалогик сыйләм телен үстерү. Балаларның Россия башкаласы Мәскәү. Аның символикасы турындагы белемнәрен системлаштыру. Рәсем эшчәнлегендә Россия әләмен ясадык.

Башка елларга караганда көз ае һәр көнен сагындырып кына бирә. Матур көннәребез быелгы көз көннәрендә бик сирәк. Әмма без һәр көнгә сөенеп торабыз, саф һавага чыгу белән көнең матурлыгына сокланабыз. Бүгендә үзебезнең туган ягыбызның сап-сары күлмәген кигән каен агачы белән исәнләштек.

Кисеп ябыштыру эшчәнлегендә үзебезнең туган ягыбызның кошларын искә төшердек һәм тәрәз каршында очып йөрүче кышлаучы кошчык песнәкне кисеп ябыштырдык.

Бүген математика эшчәнлегенә Нюша, Бараш һәм Кар -Карыч кунакка килде. Алар белән бергә зурлар төркеме балалары белән 5, 6 саннарын чагыштырырга өйрәндек.

Бу атнаның максаты  балаларда туган якка карата ярату хисләре тәрбияләү. Тирә-юнь турындагы белемнәрен киңәйтү исәбенә сүз байлыгын арттыру, активлаштыру, диалогик сөйләмне үстерү. Балаларның туган ил турындагы күзаллауларын киңәйтү, «Кече илгә»карата кызыксыну формалаштыру: Татарстан – күпмилләтле республика; Казан – республиканың һәм бөтендөнья  татарларының  башкаласы; Татарстан Республикасының төп символикасы (флаг, герб, гимн) белән таныштыру; балаларга үз халкыңның бер өлеше булуларын аңлату; ТР ның географик урыны белән таныштыру.  Үзебезнең Саба районының символикалары белән дә таныштык.     

Рәсем эшчәнлегендә үзебезнең туган ягыбызда үсүче агачларны искә төшердек. Һәм каен белән имәне чагыштырып рәсем ясадык.

Бик күп төрле уеннар аша рус телен өйрәнәбез һәм бүгенге эшчәнлектә дә уенчык төрләрен төсле карандашлар белән буядык.