Дәресләрдән соң да мәктәптә тормыш кайнап тора. Түгәрәкләр, консультацияләр уза. Хореография түгәрәгенә йөрүче укучылар  Яңа ел бәйрәме өчен яңа бию өйрәнә башладылар. Җитәкчеләре Гөлсу Рафикҗановнаның һәр хәрәкәтен яхшылап үзләштерсәң, күнегүләрне кат-кат  кабатласаң,  матур бию килеп чыгасын белгәнгә күрә, һәркем бик тырышып шөгыльләнә.

Бүген 9-11 класс укучылары өчен Батырлык дәресе узды. Ватан геройлары көне уңаеннан узган бу чарада ХХН укытучысы Сафин А.К. якташларыбыз-Советлар Союзы Геройлары , авылдашларыбызның Бөек Ватан сугышында, Әфганстан һәм Чечня сугышларында күрсәткән батырлыклары турында сөйләде.

Бүген Аналар көне уңаеннан "Озак яшә, әнкәй, шатлык белән!" дип исемләнгән концерт узды. Укучылар үзләренең иң кадерле , иң газиз, иң якын кешеләренә матур теләкләрен җырлар һәм биюләр аша җиткерделәр. Концертта "Хореография", "Күңелле сәхнә" түгәрәкләрендә әзерләнгән номерлар өстенлек итте. Барлык әниләрне бу бәйрәм белән котлыйбыз, аларга саулык, озын гомер, балаларының игелекләрен күреп яшәүләрен телибез.

"Навстречу Сочи-2014" республикакүләм бәйгедә укучылар теләп катнаша. 1-4 класс укучылары рәсем бәйгесенә әзерләнә. 5-8 һәм 9-11 класс укучыларының җаваплары әлеге бәйгенең оештыру комитеты адресына җибәрелде.

"Мин яратам сине, Россия!" патриотик җырлар бәйгесенә 4 класс укучылары Ләйлә Хамидуллина һәм Айзилә Давлиева башкаруында "Мы дети твои, Росиия!" җыры язмасы тәкъдим ителде. Кызларга уңышлар телибез!

Сегодня в 5-8 классах прошел урок налоговой грамотности. Учитель истории Каримова Л.Р. познакомила учащихся с имущественными налогами и налогооблажением физических лиц и их ролью в формировании бюджетов муниципалитетов. 

С целью формирования у учащихся представления о налогах и системе налогооблажения, сознания необходимости уплаты налогов сегодня в 9-11 классах проведен единый урок налоговой грамотности "Клуб грамотных налогоплательщиков". Учащиеся выполнили конкурсные задания, дали определение налога, определили базу и ставку налога  по заданиям. К концу урока старшеклассники пришли  к выводу, что их можно считать членом Клуба грамотных налогоплательщиков. Урок провела руководитель 11 класса Ильясова Р.Г.

Бүген барлык классларда Паралимпия дәресләре узды. Дәресләрдә  укучылар олимпия һәм паралимпия кыйммәтләре, паралимпия уеннары тарихы, спортсменнар белән таныштырылды. Сочидагы спорт объектлары, алардагы төрле дәрәҗәдәге спортсменнар өчен тудырылган каршылыксыз тирәлек турында сөйләнде.Паралимпия уеннарында катнашучы спортсменнарның рух ныклыгына, максатчанлыгына, көченә сокланмый мөмкин түгел. 5-8 классларда узган дәрестә класс җитәкчесе Вилданова Ә.Г.  язучы Ф.Яруллинның "Җилкәннәр җилдә сынала" повестеннән өзекне укучылар өчен тормыш девизы итеп алырга чакырды.

Бүген 5-8 класс командалары арасында "Тизрәк, биегрәк, көчлерәк" дип исемләнгән спорт-интеллектуаль уены узды. Командалар  төрле станцияләр аша узып, үзләренең олимпия уеннары тарихын ни дәрәҗәдә белүләрен, логик фикерләү сәләтләрен, җитезлекләрен, көчләрен сынадылар. Барлык сынауларны узганнан соң укучылар актлар залына җыелдылар, анда уен нәтиҗәләре билгеле булды: 1 урын- "Экстрим" командасы (6 класс), 2 урын-"Веники" (7 класс), "Ягуар" (8 класс) командалары , 3 урын "Молния" (5 класс) командасы. Әлеге чара "Начар гадәтләр урынына-спорт" акциясе планы нигезендә оештырылды.

"Начар гадәтләр урынына-спорт" акциясе кысаларында бадминтон буенча мәктәп беренчелеге узды.