Бүген мәктәп укучылар думасы утырышы узды. Утырышта алдагы атнада эшләнгән эшләргә йомгак ясалды.Яңа ел бәйрәмнәрен нинди формада үткәрү турында сөйләшенде, тимурчылык эшен җанландырырга кирәклеге әйтелде.

Бүген мәктәбебездә волейбол буенча зона ярышы узды. Ярышларда 6 мәктәп командасы катнашты. 1 урында Завод-Нырты урта мәктәбе, 2 урында Арташ төп мәктәбе, 3 урында Шытсу урта мәктәбе командалары. Җиңүчеләрне котлыйбыз!

Инвалидлар декадасы уңаеннан барлык классларда класс сәгатьләре узды. "Яхшы эшләр генә кылыйк", "Игътибарлы һәм ихтирамлы булыйк!" девизы астында узган бу әңгәмәләрдә укучылар мөмкинлекләре чикләнгән кешеләргә һәрвакыт игътибарлы булырга, кулларыннан килгәнчә ярдәм итәргә сүз бирделәр. Ялгыз яшәүче өлкән кешеләргә тимурчылык  ярдәме күрсәтелде.

1-10 декабрь  көннәрендә мәктәбебездә инвалидлар декадасы уңаеннан төрле чаралар планлаштырылган. Бүген барлык классларда "Яхшы эшләр генә кылыйк"

(1-7 класс), "Игътибарлы һәм ихтирамлы булырга кирәк" (8-11 класс) дигән темаларга класс сәгатьәре узды.

Дәресләрдән соң да мәктәптә тормыш кайнап тора. Түгәрәкләр, консультацияләр уза. Хореография түгәрәгенә йөрүче укучылар  Яңа ел бәйрәме өчен яңа бию өйрәнә башладылар. Җитәкчеләре Гөлсу Рафикҗановнаның һәр хәрәкәтен яхшылап үзләштерсәң, күнегүләрне кат-кат  кабатласаң,  матур бию килеп чыгасын белгәнгә күрә, һәркем бик тырышып шөгыльләнә.

Бүген 9-11 класс укучылары өчен Батырлык дәресе узды. Ватан геройлары көне уңаеннан узган бу чарада ХХН укытучысы Сафин А.К. якташларыбыз-Советлар Союзы Геройлары , авылдашларыбызның Бөек Ватан сугышында, Әфганстан һәм Чечня сугышларында күрсәткән батырлыклары турында сөйләде.

Бүген Аналар көне уңаеннан "Озак яшә, әнкәй, шатлык белән!" дип исемләнгән концерт узды. Укучылар үзләренең иң кадерле , иң газиз, иң якын кешеләренә матур теләкләрен җырлар һәм биюләр аша җиткерделәр. Концертта "Хореография", "Күңелле сәхнә" түгәрәкләрендә әзерләнгән номерлар өстенлек итте. Барлык әниләрне бу бәйрәм белән котлыйбыз, аларга саулык, озын гомер, балаларының игелекләрен күреп яшәүләрен телибез.

"Навстречу Сочи-2014" республикакүләм бәйгедә укучылар теләп катнаша. 1-4 класс укучылары рәсем бәйгесенә әзерләнә. 5-8 һәм 9-11 класс укучыларының җаваплары әлеге бәйгенең оештыру комитеты адресына җибәрелде.

"Мин яратам сине, Россия!" патриотик җырлар бәйгесенә 4 класс укучылары Ләйлә Хамидуллина һәм Айзилә Давлиева башкаруында "Мы дети твои, Росиия!" җыры язмасы тәкъдим ителде. Кызларга уңышлар телибез!

Сегодня в 5-8 классах прошел урок налоговой грамотности. Учитель истории Каримова Л.Р. познакомила учащихся с имущественными налогами и налогооблажением физических лиц и их ролью в формировании бюджетов муниципалитетов.