Бүген уку елының иң озын чиреге-3нче чирек башланды. Укытучылар һәм укучыларыбызга уңышлар , сәламәтлек телибез.

Бүген мәктәбебезнең "Мини-футбол" түгәрәгенә йөрүче укучылар командасы район күләмендә уздырылган мини-футбол ярышында катнашты.

Кышкы каникул дәвам итә. Чыгарылыш класс укучылары , каникул булуга карамастан, имтиханнарга әзерләнүдән туктамыйлар. 3 январь көнне 9 класс укучылары математикадан , 11 класс укучылары җәмгыять белеме һәм математикадан, 4 январь көнне 9 класс укучылары рус теленнән консультациядә булдылар.

Күңелле кышкы каникул дәвам итә. Бүген бер төркем укучыларыбыз  Кыш бабайлар парадында катнашты. Чыршы ачылу тантанасында мәктәп янына ясалган кар сыннарыбызга

1 урын бирелү барыбыз өчен дә зур сөенеч булды.

1-6 класс укучылары катнашында узган  бәйрәм  Яңа ел әкияте белән башланып китте. Йомшак  куянның дуслары  Хәйләкәр төлке, Үрдәк, Кәҗә белән Сарык үзләренең бердәмлекләре белән явызлыгы белән дан тоткан Бүрене дә җиңделәр. Бүре, начарлык белән берни дә майтара алмаганлыгын аңлаганнан соң, урман җәнлекләренә дуслык тәкъдим итте. Бәйрәм әйлән-бәйлән әйләнү, күңелле җырлар, матур биюләр белән дәвам итте. Беркем дә читтә калмады, һәркем Кыш бабай белән Кар кызына үз һөнәрен күрсәтеп калырга ашыкты. Яңа ел бәйрәме барлык кунакларга да бик ошады.

7-11 класс укучыларының бәйрәме "Яңа ел ассортие" дип аталды. Тамашаның исеме җисеменә бик туры килә иде. Югары класс укучыларының җыр-биюләре күңелле сюрпризлар белән чиратлашты. Фантазияле, иҗади чыгышлар әти-әниләр, килгән кунакларның алкышларына күмелде. Бәйрәм истә калырлык булды. 2014нче ел һәркемгә барлык-уй-хыялларын тормышка ашырырга  саулык-сәламәтлек, матур көннәр алып килсен иде!

26 декабрь көнне гомуми ата-аналар җыелышы узды. Җыелышның көн тәртибе:

1. "Компьютер һәм сәламәтлек " темасына лекция (Лектор-Ильясова Р.Г.)

2.1нче яртыеллык йомгаклары (чыгыш ясаучы-укыту эшләре буенча директор урынбасары Габделхаева Р.Р.)

3. Тәрбия эшенең торышы (чыгыш ясаучы-тәрбия эшләре буенча директор урынбасары Измайлова Г.М.)

4.Мәктәп эшчәнлеге, алда торган бурычлар (чыгыш ясаучы мәктәп директоры Мухаметзянов Р.Р.)

Кышкы каникулда да мәктәбебез гөрләп тора. "Хореография" түгәрәгенә йөрүчеләр "Кар бөртекләре" биюен кабатладылар, вальс әйләнү күнекмәләрен камилләштерделәр."Бадминтон" түгәрәге членнары да яраткан түгәрәкләрендә теләп шөгыльләнделәр. 9,11 класс укучылары өчен математика, биология, физика фәннәреннән консультацияләр узды. 7,8 класс  укучылары Яңа ел бәйрәменә әзерләнделәр.

Кышкы каникулның беренче көнендә мәктәптә "Кышкы бизәкләр" рәсем бәйгесе үткәрелде. Башлангыч класслар катнашында узган бу бәйгедә укучылар теләп катнашты. Алар үз рәсемнәрендә туган ягыбыздагы кышның матур табигатен чагылдырдылар. Барлык укучыларга да бүләкләр тапшырылды. Бәйгене китапханәче Башарова И.Р. оештырды.

Бүген уку елының 1нче яртыеллыгы тәмаланды. Атналык линейкада соңгы атнада төрле бәйгеләрдә урын алган укучыларга Грамоталар тапшырылды, куркынычсызлык техникасы кагыйдәләре  тагын бер кат искә төшерелде. 25 декабрьдән 9 январьгә кадәр кышкы каникул булачак.