Язгы чорда янгын куркынычы тагын да арта. Мәктәбебездә укучыларны янгын куркынычсызлыгы кагыйдәләре белән таныштыру, аларны төгәл үтәү кирәклеген тагын бер кат искәртү максатыннан рәсем бәйгесе узды. Иң матур рәсемнәр бәйгенең алдагы турына җибәрелде. Татарстан Республикасы янгынга каршы хезмәтенең Иске Икшермә посты начальнигы Сәләхиев Фәнис Фәизович башлангыч класс укучылары белән очрашып, аларны иң төп янгын куркынычсызлыгы кагыйдәләре белән таныштырды һәм  рәсем бәйгесе җиңүчеләренә Грамоталар тапшырды: Мубаракзянов Рәнис-1 урын, Сагитова Азалия-2 урын, Шарипова Инзилә-3 урын, Ханафиев Тимур-4 урынга лаек булды. Җиңүчеләрне котлыйбыз. Һәркемне янгын куркынычсызлыгы кагыйдәләрен төгәл үтәргә чакырабыз.

    Мәктәп янын җыештыру өмәләре дәвам итә. Бакчаларны, ишек алларын чүп-чарлардан арындыргач, барыбызның да күңелләр күтәрелеп китә.

Экологическая акция  «День посадки леса».  Учащиеся активно участвовали в  патриотической акции «Вахта памяти» и посадили 35 деревьев  в память о земляках, погибших в годы Великой Отечественной войны.

 "Язгы игелек атнасы" кысаларында яхшы гамәлләр башкару дәвам итә. Шул уңайдан укучыларыбыз Бөек Җиңүнең 70 еллыгына Олы Кибәче һәм Төбәк авылларындагы һәйкәл-обелискларның тирә-юнен чистарттылар.

"Георгий тасмасы" акциясе кысаларында 9 класс укучылары ТИН укытучысы Камалов Р.В. җитәкчелегендә авыл зиратында булдылар. Алар вафат булган сугыш ветераннарының каберләренә тасмалар беркеттеләр.

Бүген мәктәбебездә  Бөек Җиңүнең 70 еллыгы  уңаеннан "Без-Тукай оныклары" дип исемләнгән шигырь бәйгесе үтте. Укучылар  үз чыгышларында сугышның  бар авырлыгын, дәһшәтен чагылдырып, бүгенге тыныч тормышыбызның кадерен белергә өндәделәр. Бәйге 3 яшь категориясендә узды. 1-4 класс укучылары арасында 1 урын-Матзянова А., 2 урын-Хабибуллина Т., 3 урын-Дәүлиева З., 5-8 класс укучылары арасында 1 урын-Хамидуллина Л., 2 урын-Галиахметова З. һәм Матзянова Г, 3 урын-Каримова Р., Сафина С., 9-11 класс укучылары арасында 1 урын-Сабирова Г., 2 урын-Шайхеразиева З., 3 урын-Хамидуллина Адиләгә бирелде.

 7нче сыйныф варислары ялгыз яшәүче тыл ветераны Залялова Тамара апа янына бардылар. Алар Президентыбыз Р.Н.Миңнехановның Җиңүнең 70 еллыгына котлау открыткасын тапшырдылар, йорт эшләрендә ярдәм иттеләр. Тамара апаның элеккеге тормышы турында сөйләвен барысы да сокланып тыңлады. Ветеран укытучыга нык сәламәтлек, куанычлы озын гомер теләделәр.  

21 апрельдә мәктәбебезнең "Хореография" түгәрәгенә йөрүче укучылары район күләмендә узган "Сәләтле балачак-өметле киләчәк" фестиваленең "Хореография" номинациясе буенча "Кадриль" биюе белән чыгыш ясадылар. Барлык бәйрәмнәребезнең бизәге булган "Тамчы" төркеме биючеләренә һәм җитәкчеләре Шафикова Г.Р.га чын күңелдән иҗади уңышлар, нык сәламәтлек телибез.

Бүген 9,11 класста ата-аналар җыелышы узды. Укыту эшләре буенча директор урынбасары Габдулхаева Р.Р. БДИ, ОГЭ  бирү буенча норматив документлар белән таныштырды. Предмет укытучылары тарафыннан 4нче чиректә алынган репетицион тестирование нәтиҗәләре анализланды, алдагы тестирование нәтиҗәләре белән чагыштырылды. Мәктәп директоры Мухаметзянов Р.Р. компьютер уеннарының, төрле сайтларның  укучылар психикасына тискәре йогынты  ясавы турында сөйләп, ата-аналарның бала тәрбияләүдә аеруча җаваплылыгын белдерде. Тәрбия эшләре буенча директор урынбасары Измайлова Г.М. җәйге чорда эшкә урнаштыру мәсьәләләре турында сөйләде.

Мәктәптә Космонавтика декадасы дәвам итә. Бүген физика укытучысы Вилданова Ә.Г. җитәкчелегендә 8-11 класс укучылары белән "Космос Җирдә башлана" темасына конференция узды.