Буген, 27 декабрь көнне, Иске Шөгер мәдәният йортында авыл мәктәпләре өчен чыршы бәйрәме булды. Мәктәптән тыш эшләр центры әзерләгән Яңа ел маҗарасында авыл мәктәпләре чыгышлар да күрсәтте. Нигезләмә буенча мультфильм геройлары катнашкан, Гаилә елына багышланган сәхнә күренешен Түбән Чыршылы мәктәбенең 8 сыйныф укучылары да күрсәтте. Балаларның яратып караган "Простоквашинода Яңа ел" мультфильмннан алынган өзекне яратып уйнадылар һәм 2 урынга лаек булдылар. Кыш бабай һәм Кар кызы тәм - том өләште, бик күп әкият геройлары маҗара бүләк итте. Афәрин, укучылар, сынатмадыгыз. Яңа ел бәйрәмнәре күңелле рухта, матур теләктә узсын.

Яңа ел могҗизалары дәвам итә. Буген уку алдынгыларын, олимпиадаларда унышка ирешүче , тырыш укучыларны Шәһәр башкарма комитеты җитәкчесе Марат Гирфанов Яңа ел чыршысы бәйрәменә җыйды. Укучылар стипендия һәм Кыш бабай тәм - томын алды. Мондый шатлыклы бүләккә Түбән Чыршылы мәктәбенең 8 сыйныф укучысы Вильданова Алисә Рөстәм кызы да лаек булды. Алисә ел саен татар теле буенча муниципаль олимпиадада алдынгы урыннар ала, спорт ярышларында актив катнаша, мәктәп тормышында янып йөрүче тырыш кыз. Без дә аның уңышларына шатланабыз, яңа җиңүләр телибез.

19 декабрь көнне Түбән Чыршылы мәктәбенең театр коллективы Яшел алан мәктәбендә үткән Театр фестивалендә катнашып кайтты. Гаилә елын йомгаклау максатында үткәрелгән театр фестиваленың темасы да гаиләгә багышланды. Алсу Вил кызы җитәкчелегендәге театр артистлары татар халык әкиятенә нигезләнеп язылган "Өч киңәш" күренешен сәхнәләштерделәр.Әти сүзен, әти киңәшен тотсаң гына, бәхетле булырсың, дигән теманы тамашачыга тәкъдим иттеләр һәм "Иң тәрбияви күренеш" номинациясе белән бүләкләнделәр.
Бүген, чыннан да, театр бәйрәме булды. Башка мәктәпләрдән килгән театрлар да тамашачыларга онытылмас мизгелләр, матур уеннар бүләк иттеләр. Юкка гына бөек шагыйребез Габдулла Тукай"Театр- яктылыкка, нурга илтә, кире юлга җибәрми, уңга илтә" димәгән. Фестивальне оештыручы Зеленая Роща мәктәбенә һәм мәртәбәле жюри төркеменә бик зур рәхмәт.

Бүген - 19 декабрь көнне Шөгер урта мәктәбендә башлангыч сыйныф укучылары муниципаль конкурста катнашты. Анда 1, 2 һәм 3, 4 сыйныф укучылары, һәркайсы үз төркемендә, сәнгатьле итеп шигырь сөйләү конкурсында көч сынашты. Жюри әгъзалары балаларның сәнгатьлелегенә, сәхнәдә тотышларына, дөрес сөйләменә игътибар итте. Безнең мәктәп данын яклап та укучылар катнашты. 2 сыйныф укучысы Савельев Егор лауреат, ә Черашов Руслан номенант булды. Җитәкчеләре: Ганиева Г. Ә.

Татар теле фәне буенча Республика олимпиадасының муниципаль этабында 8 сыйныф укучысы Вильданова Алисә җиңүче,  5 нче сыйныф укучысы Вилданова Лилия, призер, 8 сыйныф укучысы Зиятдинова Адилә призер, 9 сыйныф укучылары Ахмадиев Азамат призер, Хасаншин Әлфис призер булдылар. (Җитәкчеләре Муллагалиева Алсу Вил кызы) Афәрин укучылар! Чын күңелдән котлыйбыз, алга таба да уңышлар телибез!

12 декабря в Нижнечершилинскую школу приехали психологи  центра "Надежда" (г. Лениногорск) и провели тренинги, анкетирования и беседы. Психологи работали с учениками школы. Для учащихся провели занятия по теме взаимоотношений со сверстниками, учителями, родителями.

9 декабрь - Ватан геройлары көне. "Разговор о важном" циклының дүшәмбе дәресе Ватаныбыз алдында батырлык күрсәткән геройларга багышланды. 8 сыйныф укучылары видеоязмалар аша бу истәлекле датаның килеп чыгу тарихын, Екатерина   патша вакытыннан ук килгән геройларны, төрле вакытта эшләнгән батырлыклар турында белделәр. Батырлар үлмиләр,алар үлемсез!