Бүген Бөтенроссия тикшерү эшләренә старт бирелде. 4,5 нче сыйныф  укучылары рус теленнән  тикшерү эшләре яздылар.

Бүген Олы Кайбыч урта гомуми белем бирү мәктәбендә "Поиск" дип аталган  VI Төбәкара фәнни-гамәли конференция уздырылды.Анда барлыгы  6 районнан 90 укучы катнашты.Безнең мәктәптән  Муртазина Ләйсән (җитәкчесе Сайфутдинова А.М.), Гобәева Миләүшә (җит.Шәрәфиева Л.Ә.),Зайнуллина Алия (җит.Мозаффарова Р.З.) чыгыш ясадылар. Алар үзләрен кызыксындырган темага эзләнү-тикшеренү эшләре әзерләгәннәр иде. 5 сыйныф укучысы Зайнуллина Алия 1 урын яулады.Афәрин,киләчәктә дә уңышлар телибез!

Бүген район мәктәпләренең 9-11 яшьлек укучылары арасында шәхси-команда беренчелеге өчен яшь инспекторларның "Куркынычсыз тәгәрмәч"район конкурс-фестивале уздырылды.Әлеге конкурста мәктәбебезнең 4-5 сыйныф укучылары,2 малай,2 кыз составында катнашты.Алар "Тәгәрмәч"исеме астында чыгыш яшап 3 урынга лаек булдылар һәм истәлекле бүләкләр белән бүләкләнделәр.

1961 нче елның 12 апрелендә, дөньяда беренче буларак, бортына кеше утырган “Восток” космик корабле җир тирәли орбитага чыгарылды. Бу кеше-очучы космонавты Юрий Алексеевич Гагарин. Ул илебез хөкүмәте тапшырган эшне үтәде.Узган гасырны галимнәр,язучылар һәм журналистлар төрлечә атадылар: атом гасыры, генетика гасыры, кибернитика гасыры һ.б.

Инглиз телендәге мәктәп театр коллективларының "School theatre"  Республика конкурс- фестиваленең муниципаль этабында инглиз теле укытучысы Минһаҗева Лилия Тәлгать кызы җитәкләгән "Лицедей" төркеме дәрәҗәле 2- урын яулады. 3-5 сыйныф укучылары инглиз балалар язучысы Памэла Трэверсның "Мэри Поппинс"  әсәрен сәхнәләштереп,  уңышлы чыгыш ясадылар. Аларга киләчәктә дә инглиз телен үзләштерүдә уңышлар телибез. Афәрин, укучылар!

Хәрби комиссариат оешуга 100 ел тулу уңаеннан мәктәбебезнең яшь юнармиячеләренә тантаналы рәвештә таныклыклар тапшырылды.

7 апрель - Бөтендөнья сәламәтлек көне.Ул 1950 елдан башлап һәр ел саен бөтен дөнья буйлап билгеләп үтелә.Сәламәтлек –ул кешегә табигатьбиргән иң зур байлык.Бу көн   сәламәтлекнең кеше тормышындагы ролен  һәм аны ничек сакларга икәнен аңлату өчен билгеләп үтелә.Мәктәп укучыларына сәламәт яшәү рәвешен пропагандалау һәм начар гадәтләрне булдырмауны өйрәтү максатыннан, класс сәгатьләре, әңгәмәләр, төрле чаралар үткәрелде. 

6 апрель көнне ЦВР "ЭКО" да "Эколог һәм Мин" дип исемләнгән региональ фәнни -практик конференция узды. Бу конференциядә мәктәбебезнең 7 сыйныф укучысы Садриева Илсинә дә катнашты. Ул биология укытучысы Сафина Лилия Рифкать кызы җитәкчелегендә "Туган як табигатенең экологик проблемасы" секциясендә "Мөрәле авылы табигатенең экологиясе" темасы дип исемләнгән чыгышы белән 3 дәрәҗә дипломга ия булды. 

1 апрель -Халыкара кошлар көне.Россиядә дә 1927 елдан башлап кошлар көнен үткәрү традициягә кергәен. Шул уңайдан мәктәбебезнең биология укытучысы Сафина Лилия Рифкать кызы, биология,химия атналыгы кысаларында кошларга багышланган "Йолдызлы сәгать" дип исемләнгән чара үткәрде. Укучылар кошлар тормышы, аларның яшәеше, ничек көн күрүләре турында  сорауларга җаваплар бирделәр, кроссвордлар чиштеләр.Кичә барышында "Сыерчык оялары конкурсы"на нәтиҗәләр ясалды,җиңүче укучылар бүләкләнде.

 Уку елынын соңгы чиреге 4 нче  чирекне башладык.Укучылар яңа көчләр җыеп мәктәпкә җыелды. Иртәнге линейканы матур мизгелләр белән башлап җибәрдек,мәктәп һәм районкүләм уздырылган конкурсларга нәтиҗәләр ясадык .

Кадерле укучылар!  Уку вакытынын һәр мизгелен дөрес һәм файдалы итеп үткәрү күбесенчә сезнең үзегездән тора.Тырышып укыгыз, дәресләр һәм консультацияләргә жаваплы карагыз, үзлегегездән шөгыльләнегез.  Алда  сезне сынаулар көтә.