Без бүген мәктәбебездә халкыбызның матур бәйрәмен "Сөмбелә бәйрәмен" үткәрдек. .  Елның сихри фасылында- көз аенда татар халкы элек-электән шушы бәйрәмне уздырган. Ул - көзге бәйрәм, уңыш бәйрәме. Сөмбелә тамашасында уеннар үткәрелгән.Башлангыч сыйныф укучылары "Көзге тамаша"га сәяхәт кылдылар.Көзне чагылдырган төрле уеннар уйнадылар.   "Көзге кояш", "Миләшкәй", "Гирлянда "  командалары  Сөмбеләгә үз программалары белән килгәннәр иде. 6 - 9 нчы сыйныф укучылары җиләк-җимеш һәм яшелчәгә багышланган мәкальләрне дәвам иттеләр, "Көзге букет" композициясен якладылар, "Көз патшабикәсе " номинациясендә үзләренең кием  коллекциясен тәкъдим иттеләр.  Әлеге чара матур үтте. Нәтиҗәләр түбәндәгечә: I нче урынны 9 нчы сыйныф яулады, II нче урында - 6 нчы сыйныф,  III нче урында - 7  нче  сыйныф. Котлыйбыз!

Бүген сыйныф сәгатьләрендә "Парламент-2017" дәресләре үткәрелде. Укучыларны кызыксындырган сорауларга җаваплар бирелде. 

Бүген бердәм интернет челтәрендә куркынычсызлык дәресе узды. Башлангыч сыйныф укытучылары Багавиева Э.Р., Вилданова Д.Р. интернеттан дөрес куллану кагыйдәләре серләренә төшендерделәр. Компьютер каршында дөрес утыру ,күпме вакыт сарыф ителүгә дә тукталдылар. Укучылар дәрестән бик күп мәгълүмат алдылар.

Бүген безгә Кайбыч муниципаль районының ППҮ үзәге хезмәткәрләре килде. Психолог Скворцова Е.Н.,социаль педагог Калашникова А.Ф.1,5 сыйныф укучыларына яңа уку шартларына җайлашу мониторингы үткәрделәр. 9 нчы сыйныф укучылары белән "Уңышка ничек ирешергә" дигән исем астында консультация уздырылды. 

Беренче сыйныф укучылары мәктәп китапханәсе белән таныштылар. Китапханәче Сабирова Г.Х. нәни дусларга китапханәдәге кагыйдәләр,  китаплар урнашу тәртибен сөйләде, кулларына мавыктыргыч китаплар бирде. Балалар китапларга бик сөенделәр.Китапханә сукмагын тузан капламасын иде.

Бүгенге көннән мәктәбебездә 1 нче чирек буенча административ контроль эшләр башланып китте. 6,7 сыйныф укучылары рус теленнән, 8,9 сыйныфлар  математика фәненнән директор контроль эшләре эшләделәр.  

Татарстан Республикасы Конституциясе кабул ителгәнгә 25 е тулу уңаеннан тарих укытучысы Вилданова Л.Х. 8 нче сыйныф укучылары белән "Конституция -дәүләтнең төп законы"- дигән темага дәрес үткәрде. Дәрес ахырында мәктәп коридорындагы стендлар белән таныштырды,өйдә әзерләп килгән плакатларга нәтиҗә ясалды. 

Бүген Мәгариф һәм фән министрлыгы  тарафыннан районыбызда 7,8 сыйныфларда математика,рус теле,физика,тарих,биология,җәмгыять белеме фәннәреннән диагностик тест уздырылды. Бу сынауны узуда безнең мәктәп укучылары да катнаша,аларга уңышлар телибез!

Интернетта күп утыру сөйләм үсешен тоткарлый, фантазияләрне саегайта. Кешедә(укучыларда ) аралашу сәләтен бетерә.Күп цикллы уеннар, мультфильмнар карау бәйлелек тудыра.Чир барлыкка килә. Шул максаттан, интернетның файдалы һәм тискәре якларын ачыклау дигән тема астында башлангыч сыйныфлар укытучысы Хәмидуллина М.С. тәрбия дәресе уздырды.