Сыерчык сайрый,
Ул шулай оя сайлый.
Кайсыбызның оясы яхшы,
Ул шуны сайлый.
Балаларны яз, “күчмә кошлар”, сыерчык белән таныштыруны дәвам итү; балаларның сөйләм телен үстерү, сүзлек запасын баету, игътибарларын, хәтерләрен ныгыту; геометрик фигураларны, төсләрне ныгыту;кошларга карата сак караш, алар турында кайгыртучанлык, язын аларга оялар ясау теләге тәрбияләү максатыннан бүген без ,икенче кечкенәләр төркеме балалары белән,кисеп-ябыштыру эшчәнлегендә ,кунакка килгән сыерчыкның дусларына матур-матур ояларны ,геометрик фигуралардан ябыштырып ясадык.
 

Ягын куркынычсызлыгы буенча өйрәнүләр Бүген бакчабызда янгын куркынычсызлыгы кагыйдәләре белән танышуны дәвам итү, янгын чыгу очрагында үзләрен дөрес тоту күнекмәләрен ныгыту максатыннан уртанчылар, зурлар, мәктәпкә әзерлек төркеме балалары һәм хезмәткәрләр белән өйрәнүләр үткәрелде .


 

Балаларны юл йөрү кагыйдәләре белән таныштыру.Урамның тротуар белән машиналар йөри торган өлешен аерырга өйрәтү,җәяүлеләр чыга торган урынны “зебра” белән таныштыру. Светофорның яшел, кызыл, сары сигналлары турында аңлату.Урамда үз-үзеңне дөрес тоту кагыйдәләрен кабатлау, ныгыту ,алган белемнәрен хәтерләрендә калдыру максатыннан , балалар юл йөрү кагыйдәләре,билгеләре,транспорт төрләре турындагы сорауларга ,бик кызыксынып җаваплар бирделәр.
 

Балаларга бүлмә гөлләре өчен кирәкле шартлар тудыру турында мәгълүмат бирү, аларга яктылык, ашлау, җылылык, hава кирәклекне аңлату. Бүлмә гөлләренең дә тере икәнлекләрен күзаллау. Гөлләр үстерүгә кызыксыну hәм теләк уяту.
Гөлләр, гөлләр чәчәк атыгыз,
Көннәрең моңсу, матурлатыгыз.
Гөлләр, гөлләр чәчәк атыгыз,
Көннәрең моңсу, матурлатыгыз.

 

Мәктәпкә хәзерлек төркеме балалары белән атнаның йомгаклау чарасы итеп "Сулар ага, бозлар китә, кошлар кайта җылы яклардан..." темасына тамчы -шоу үткәрелде. Максаты: балаларның кошлар турында булган белемнәрен актуальләштерү; тиз уйлау, фикерләү, иҗадилык сәләтләрен арттыру; тел байлыгы хәзинәсен үстерү, баету; кошларга карата сакчыл караш тәрбияләү һәм ярдәм итү хисе уяту. Балалар кошлар турында табышмакларга, эрудит сорауларга җаваплар эзләделәр. "Кошлар кайтты", "Кайсы кош артык?" уеннарын кызыксынып уйнадылар. Шулай ук балаларга мәкальләр дә әйтелде:

Хөрмәтле әбиләр! Гомерегез буе тырышып хезмәт күрсәткәнегез өчен, авыр елларны үз җилкәгездә татысагыз да шушындый саф күңелле булып калганыгыз өчен, яхшы ул-кызлар тәрбияләп үстергәнегез, ә хәзер инде оныкларыгызны тәрбияләгән өчен рәхмәт сезгә! Озын гомер, сәламәтлек телибез сезгә, әбиләр! Оныкларыгызның игелеген күрегез!Оныклары үзлəренең дәү әниләрен, бəйрəм белəн котладылар, матур шигырьлəрен, җырларын, дəртле биюлəрен бүлəк иттелəр. Һəр әби оныклары белəн горурланып, аларга сокланып, чын йөрəктəн рəхмəтлəрен белдереп утырдылар.
Сабыр, йомшак күңелле әниләребез, әбиләребез! Бүгенге бәйрәмгә килүегез өчен зур рәхмәт сезгә! Киләчәктә безгә менә шулай тагын очрашырга язсын. Гел шулай якты йөзле, тәмле сүзле булып калыгыз. Балаларыгызны, оныкларыгызны сөендереп, исән-сау булып, тыныч, мул тормышта яшәгез. Бәхетле булыгыз!
Ә бәйрәм табын артында дәвам итә. Барлык кунакларны чәй эчәргә чакырабыз.
 

Балалар кичке якта төрле өстәл уеннарын, дидактик уеннарны, бигрәк тә лото, домино, пазл төзү кебекләрен яратып уйныйлар,кубиклардан әкият сюжетларын төзиләр, буягыч китаплар буйыйлар, һәм әлбәттә инде сюжетлы-рольле, җырлы-биюле уеннар да читтә калмый. Туган якка мәхәббәт хисләре тәрбияләү, туган ягыбыз турында күбрәк белергә теләү, аны тану, ярату кебек максатлардан чыгып үзебез дә яңа уеннар иҗат итәбез. Аларны балалар бигрәк тә теләп уйныйлар.

 

Гаилə! Никадəр шатлык, никадəр тантана бу сүздə! Бала һəм гаилə. Бу ике сүз тыгыз бəйлəнгəн, баланы гаилəсез, гаилəне баладан башка күз алдына китерүе кыен. Тату гаилə — ил терəге, бала өчен иң кирəге. Тату гаилə бердəм булса, бала бəхетле була. Мин бəхетле гаилəм белəн, Яшимен əти-əнием белəн! Татулык — гаилəбез нигезе! Нəсел дəвамчысы — балалар , Əйе, гаилəле кеше – бəхетле кеше. Балалар да моны белеп, тоеп үсəргə тиеш. Шушы уңайдан без «Тиенкәй” балалар бакчасы коллективы балалар һəм əти-əнилəр белəн “Бер ягымда əтием, бер ягымда əнием” исеме астында гаилə бəйрəме үткəрдек. Бəйрəмнең беренче өлешендə балалар үзлəренең əти-əнилəрен бəйрəм белəн котладылар, матур шигырьлəрен, җырларын, дəртле биюлəрен бүлəк иттелəр. Һəр əти-əни балалары белəн горурланып, аларга сокланып, чын йөрəктəн рəхмəтлəрен белдереп утырдылар. Бəйрəмебезнең икенче өлеше гаилəлəребез үзләренең җитезлекләрен, зирәклекләрен, осталыкларын, булганлыкларын шушы конкурсларда күрсәттеләр. Кичә ахырында “Иң җитез гаилә”, “Иң тапкыр гаилә”, “Иң тырыш гаилә”, “Иң зирәк гаилә” номинацияләре буенча җиңүчеләр билгеләнде, бүләкләр тапшырылды. Җырлы-биюле уеннар оештырылды. Бәйрәм бик күңелле үтте. Сезгə тазалык – саулык, сəламəтлек, озын гомер, гаилə бəхете телибез. Һəр барчабызга тигезлектə, дөньяларыбыз тыныч, балаларыбыз имин булып озак яшəргə язсын. “Тиенкәй” балалар бакчасы тəрбиячелəре .

Муса Җәлилнең тууына - 112 ел Буген бакчабызда татар халкының батыр шагыйре Муса Җәлилнен тууына 112 ел тулу уңаеннан "Муса Җәлил - бөек шагыйребез" исеме астында бәйрәм иртәсе уздырылды. Муса Җәлилнен танылган шигырьләрен балалар сәнгатьле итеп сөйләделәр. "Кызыма", "Сәгать" җырларын башкардылар. Салахова И.Г. балаларны М.Җәлилнен тормышы, иҗаты белән таныштырып презентация күрсәтте.
 

Халык әкиятләре- бала тәрбияләүдә бай материал булып исәпләнә.Хәрәкәтләрнең,герой сүзләренең билгеле тәртиптә кабатланып килүе
балаларны әсәрләр белән таныштыру процессын җанлы хэм кызыклы итеп алып барырга ярдәм итә.
Балаларны рольләргә бүлеп ,тулы җөмләләр белән сөйли белү күнекмәләрен үстерү ,әкиятләргә карата кызыксыну уяту ,безнең бурычыбыз.
Заманча әкият, мультфильмнарны таный белергә, аларның эчтәлеге буенча үз фикерләрен башкаларга җиткерә белергә өйрәтү. Яхшылыкны-яманлыктан аера белергә күнектерү. Культура, тәртип-кагыйдәләрен бер кайчан да истән чыгарырга яраманлыгын, кайда гына булсаң да әдәп-әхлак нормаларын үтәргә кирәклеген төшендерү.