Бүген 6 нчы сыйныфта "Ачык ишекләр" көне үтте. Әти-әниләр татар теленнән ачык дәрес карадылар. Соңыннан "Ачык ишекләр" көненә йомгак ясалды, әти-әниләр үзләренең тәэсирләре белән уртаклашып, теләкләрен җиткерделәр.

   Мәктәптә 5 нче сыйныфларның әти-әниләре өчен "Ачык ишекләр көне" үтте. Бу көнне Зөлфирә Хайрулла кызы рус теленнән,  ә Любовь Тимофеевна математикадан ачык дәрес күрсәтте. Соңыннан сыйныф җитәкчесе җыелыш үткәреп, әти-әниләр өчен һәрвакыт ишекләрнең ачык булуына басым ясады.

    Кайбыч районының Чүти, Хуҗа Хәсән, Мәлки, Иске Тәрбит мәктәбенең тормыш иминлеге нигезләре укытучылары арасында бәйге үтте. Бәйгедә Чүти урта мәктәбеннән Козлов Сергей Василий улы катнашты. Ул беренче урынны алды. Сергей Василий улына уңышлар телибез.

19 января 2018 года с 12.00 по 13.00 состоится Республиканское родительское интернет- собрание на тему "Виртуальная жизнь ребёнка: интернет друг или враг". Онлайн - трансляция на сайте КИУ.РФ. Вопросы  можно задать по адресу: roditelirt@mail.ru

         Районнар арасында уздырыла торган "Иң матур чыршы" бәйгесенә тавыш бирү дәвам итә. Без дә бу акциягә бик теләп кушылдык.

        Иң матур чыршы- безнең районда.

     Дәүләт имтиханнарына әле ерак булса да, аңа әзерлек бер генә көнгә дә тынып тормый. Каникул көннәрендә 9 һәм 11 нче сыйныф укучылары рус теле белән математикадан  сынау тотып карады. Аның нәтиҗәләре  укучыларга алга таба нәрсәләр өстендә ныграк эшләргә кирәклеген ачыкларга ярдәм итә.

    Безнең мәктәбебездә дә укучылар өчен Яңа ел бәйрәмнәре гөрләп үтте. Бәйрәмне 25 декабрь көнне  башлангыч сыйныф укучылары башлап җибәрделәр. Шулай ук чыршы тирәсендә җыр җырлап әйләнделәр, дәртле биюләр, күңелле җырлар җырлап, уйнап Кыш бабай белән Кар кызын каршы алдылар. Алар да бүләксез килмәгән, укучыларны котладылар, күчтәнәчләр өләштеләр. Бәйрәмебез шулай бик күңелле узды.

  Менә инде Әтәч елының да санаулы гына көннәре калып бара. Тиздән Эт елы киләчәк. Без бу елга зур өметләр баглыйбыз. Мәктәбебез укучыларының сау-сәламәт булуларын, укуда һәм төрле ярышларда сынатмауларын теләп калабыз.

   Чүти урта мәктәбе ишегалды җәен шау чәчәктә утырса, кышын анда боздан эшләнгән берсеннән-берсе матур сыннар пәйда була. Мондый сыннарны ел саен эшлибез. Алар мәктәпкә керү юлын бизәп тора. Кардан сыннарны ясарга әти-әниләр булышты. Биек тау, төрле әкият геройлары ясап мәйданчыкны бизәргә ярдәм иткәннәре өчен аларга зур рәхмәтебезне җиткерәбез. 

15 декабря в 12 часов состоится Республиканское интернет-собрание на тему «Поборы и пожертвования - что общего и в чем разница?». Онлайн – трансляция на сайте киу.рф.