“Сәламәтлек турында кайгырту – тәрбия эшенең гаять әһәмиятле өлеше. Баланың шат күңелле, тормыш сөючән булуы аның рухи тормышына,  дөньяга карашына көчле йогынты ясый, акыл үсешенә уңай тәэсир итә, үз көченә ышаныч тудыра!”. В.А.Сухомлинскийның әлеге фикере белән килешми мөмкин түгел. Мәктәбебездә дә  "Сәламәт тәндә - сәламәт акыл!" -дип исемләнгән очрашып сөйләшү кичәсе үткәрелде. Әлеге очрашу кичәсенә Субаш авылында туып үскән якташыбыз , хезмәттәшебез Фагыйль абый Фәләхетдин улы да  чакырылды. Ул укучылар спорт өлкәсендә булган уңышлары белән таныштырып, кызыксындыру уятты.

"Халыкара әниләр көне" уңаеннан башлангыч сыйныф укучылары өчен шигырь конкурсы игълан ителде.

Каенсар авылында туып  бүгенге көндә Чепья авылында гомер кичерүче, "Халыклар музее" директоры  Гарифҗан абый Галиевта мәктәбебез музеенда кунакта булды һәм  үзенең истәлекле бүләкләрен белән безне сөендерде.

4 нче март көнне мәктәбебезнең 130 еллык юбилее уңаеннан уздырылган чарада мәктәпкәчә тәрбия бүлеге балалары  да кунакларны рус халык биюе белән сәләмләде.

Җиз кыңгырау моңы җыйды безне,

Таныш чыңы һаман колакта.

Бер мизгелгә, Вакыт, туктап торчы,

Күпме кеше кайтты яшь чакка.

 Бүген Субаш авылы мәгариф тарихына - 130 ел. Җиз кыңгырау тавышы үзенә кабат җыйды. Бәйрәмебез кичәсенә  төрле елларда Субаш мәктәбендә белем алган, хәзерге вакытта илебезнең төрле төбәкләрендә гомер итүче, төрле өлкәләрдә зур дәрәҗәләргә ирешкән авылдашлар чакырылды.

Субаш авылы мәгариф тарихына - 130 ел уңаеннан үткәрелгән кичәбез кунаклары мәктәбебез музеенда үзләренең  үткәннәрен барлыйлар.

Мәктәпкәчә тәрбия бүлегендә «Әтием минем горурлыгым!» дип аталган бәйрәм иртәсе булып узды. Балалар әтиләрен матур  җырлар, шигырьләр, биюләр, бүләкләр  белән сөендерделәр. Әтиләр  лә кимен куймады, ярышларда бик актив катнашып балаларын килгән кунакларны сөендереп команда ярышларында катнаштылар.

Мәктәбебездән ГТО нормативлары тапшырыга теләк белдереп укучыларыбыз гына түгел, укытучыларыбыз да актив катнашты. Менә алар:Хөснетдинов А.А., Хөснетдинова Э.Ф., Фаязов Л.А., Нурмөхәммәтова Ф.Н. лар. Алга таба да укучыларыбызга үрнәк булып торсагыз иде!

Бүген, ягъни 27 нче февраль көнне мәктәбебездә иртән гомуми линейка булып узды.Линейка  барышында укучыларны "Аҗаган" атналыгы нәтиҗәләре белән таныштыру, конкурсларда актив катнашып алдынгы урыннар алган укучыларыбызны котлау безнең төп бурычыбыз булып торды.Шулай ук билгеләр турында да сөйләшү алынып барылды.