Бүген , ягъни 18 нче апрель көнне 5 нче сыйныф укучылары ярдәме  белән татар теле укытучысы Габитова С.И. "БиС" технологиясен кулланып  ачык дәрес күрсәтте

Мәктәпкүләм гомуми линейка барышында "Созвездие -Йолдызлык 2017" дә чыгыш ясаган 3 нче сыйныф укучыбыз  Иванов Игорьне чын күңелдән тәбрикләп, диплом белән бүләкләдек. Чисталык , тәртип һәм спорт министрлары үзләренең чыгышларын  ясадылар, кисәтүләрен әйтеп киттеләр.

Табигатьнең уянган мәле турында әйтүгә, сыерчык оясы кирәклеге искә төшә. Бу эшне безнең мәктәп укучылары да  ел саен гадәткә кертте. Бу ел да конкурсыбызда җиңүче итеп 5 нче сыйныф укучысы Нурмухаметов Дилюс билгеләнде.

Сыерчык оясы ясаучыларга киңәшләр:
— Ояның эчке як тактасын шомартырга ярамый, кошларга шома оядан чыгуы бик кыен. Әгәр такталар шома икән, аны җыяр алдыннан алгы яктагы тактага эчке яктан горизонталь сырлар (сыерчык өчен “баскыч”) ясарга кирәк.

— Ояны буярга ярамый. Ачык төсләр һәм ис кошларны куркыта. Әгәр бик тә бизисегез килсә, кызыл яисә коңгырт төстәге иссез буяу кулланыгыз.

— Көз яисә кыш саен ояны чистарту уңайлы булсын өчен, өске капкачын алына торган итеп ясарга мөмкин.

— Оя җирдән өч метрдан биектә һәм аз гына алга янтайтып урнаштырыла. Болай иткәндә тишемгә җил-яңгыр керми, сыерчыкка да керү-чыгу уңайлырак була.

— Аны көньякка, көньяк-көнчыгышка, көнчыгышка каратып куялар.

Бүген, ягъни 10 нчы апрель көнне мәктәбебездә иртән гомуми линейка булып узды.Линейка  барышында укучыларны "Туган тел" атналыгы  белән таныштыру, конкурсларда актив катнашып алдынгы урыннар алган укучыларыбызны котлау безнең төп бурычыбыз булып торды.Шулай ук билгеләр турында да сөйләшү алынып барылды.

Субаш мәктәбендә бию түгәрәгенә йөрүче укучыларыбыз "Без бергә" конкурс фестивалендә 3 урынга лаек булдылар!Аларны чын күңелдән котлыйбыз!

 Мәктәбебез укучылары төрле рәсем конкурсларында катнашып алдынгы урыннарга лаек булалар! Башлангыч сыйныф укучыларын чын күңелдән җиңүләре белән котлыйбыз, алга таба да зур җиңүләр теләп калабыз!

"Татар ашлары"компетенциясендә мәктәбебездән 7 сыйныф укучысы Степанова Рамилә   уңышлы чыгыш ясады.

"Журналистика" компетенциясендә  мәктәбебездән,  үсеп килүче  яшь шагыйрәбез, 8 нче сыйныф укучысы Хадеева Линара уңышлы чыгыш ясады.

"Деревообработка"  компетенциясендә мәктәбебездән ике укучы  уңышлы чыгыш ясады. 8 нче сыйныф укучысы Гайфуллин Булат -3 урын , Прокопьев Денис  -5 урын. Алдагы ярышларда да уңышлар , алдынгы урыннар телибез !

"Туризм"  компетенциясендә мәктәбебездән ике укучы  уңышлы чыгыш ясады. 8 нче сыйныф укучысы Гафурзянов Радис - 4 , 7 нче сыйныф укучысы - Габделхаков Риназ- 2 урыннар.Егетләребезгә тагын да спортны сөеп, алдагы ярышларда уңышлы урыннар алуларын теләп калабыз!