Әти-әниләр җыелышында түбәндәге темалар күтәрелде.

-Яшьүсмерләр арасында тәртип бозуларны кисәтү;

- Суицид күренешләрен профилактикалау;

- 1-3 чирекләрдәге укыту-тәрбия эшенә анализ;

- ГИА га әзерлек нәтиҗәләре.

"Без бергә" дип исемләнгән республика күләмендә узучы фестиваль-конкурс кысаларында мәктәптә җыр, бию һәм шигырь бәйгесе  уздырылды. Әлеге бәйгедә җиңүчеләр  район конкурсында катнашачак.

Мәктәбебезнең 7 нче сыйныф укучысы Гафурҗанова Энҗе тантаналы рәвештә районыбызның 14 яшь тулган яшь гражданнарына паспорт тапшыру кичәсендә булып кайтты.Аларга тәбрикләү сүзләрен Балтач районы Башкарма комитетының гражданнарның хәлен актлар теркәү (ЗАГС) бүлеге җитәкчесе җиткерде. Яшь гражданнарның шатлыкларын бүлешергә әти-әниләре, туганнары да килгәннәр иде. Без дә үз чиратыбызда Энҗене  чын күңелдән 14 яше тулган яшь гражданин булуы белән котлыйбыз , укуында уңышлар, сәламәтлек телибез!

Бүген, ягъни 14 нче март көнне мәктәбебезгә 8- 9 нчы сыйныф укучылары белән сөйләшүгә Арча районы Лесхоз авылында урнашкан агросәнәгать һөнәри көллияте укытучылары килде. Алар балаларны көллиятнең тарихы,  уку шартлары, сроклары белән таныштырдылар. Соңыннан кызлар һәм егетләр аерым группаларга бүленеп, егетләр техника буенча юнәлеш, ә кызлар пешекче һәм кондитер юнәлешендәге эшчәнлек белән таныштылар. Очрашу укучылар өчен бик эчтәлекле һәм файдалы итеп оештырылган иде. Әлеге чарадан балалар канәгать калды.

Балаларның тормыш иминлеген саклау – һәр укытучының иң мөһим бурычларыннан берсе. Шуңа да  без башлангыч сыйныфтан ук,  һәртөрле куркыныч очракларда үзләрен ничек тотарга кирәклеген өйрәтә башлыйбыз. Менә бүген дә педагог -организатор Хөснетдинова Э.Ф.  башлангыч сыйныф укучылары белән куркынычсызлык турында әңгәмә алып барды!

11 нче март көнне Балтач район үзәгендә Субаш авылы үзешчәннәре концерты булып узды. Шушы бар яктан да югарылыкка җиткерелгән әлеге зур тамашаны район сәхнәсендә үткәреп чыгару өчен  үзенең бар көчен биреп эшләгән клуб җитәкчесе Фаезов Х.Р ка зур рәхмәт белдерәсебез килә! Алга таба да бергә, бердәм булып эшләргә язсын иде!

"Хезмәтем һәм җыр -моңнарым, Балтачым, сиңа багышлана!" дип исемләнгән район конкурсында  Субаш  мәктәбе  укучылары, укытучылары, әти-әниләре, балалар бакчасы хезмәткәрләре тарафыннан  әзерләнгән күргәзмә район халкы һәм комиссия тарафыннан уңай бәя алды. 

Бүген , ягъни  11 нче март көнне 2 нче сыйныф укучылары Антонова Н.Г. җитәкчелегендә Әдәби уку дәресеннән ачык дәрес күрсәттеләр

Күчкәнме бу залга дөньяның бар яме,

Күңелләр түрендә Әлифба бәйрәме .

Бу матур бәйрәмгә кушыл , дус , әйдәле ,

Дөньяны гөрләтсен Әлифба бәйрәме .

Бүген бездә дә зур бәйрәм "Сау бул Әлифба" кичәсе булып узды. 1 нче сыйныф укучылары үзләренең белемнәрен, булганлыкларын концерт кичәсе аша җиткерә алдылар.

Татар халык ашлары

Барысы да бар бездә

Гөбәдияләр, чәкчәкләр,

Тәкъдим итәбез сезгә!

Бүген, ягъни 11 нче март көнне Балтачта Субаш авылы  җирлегенең ярминкәсе гөрләде.