Мәктәбебездә Бөек Җиңүнең 70 еллыгына багышланган җыр конкурсы уздырылды. Безгә Җиңү зур кор­баннар аша килде һәм менә 70 ел инде илебез халкы тыныч тормышта яши. 4 ел сугыш дәвамында халкыбыз тудырган зур батырлыклар һәм кичергән зур газаплар 70 ел буена да, 100 ел буена да онытылырлык түгел. Каһарманнар даны мәңгелек. 

"Иртән әнием елмаем уят­са, әтием аркамнан сөеп хәерле юл теләсә, үземне бәхетле тоям. Дәрестә укытучым мактап яхшы билге куйса, тәнәфес вакытында ахирәтем белән серләшсәм, көлә-көлә берәр вакыйганы искә алсак, күңелләр күтәрелә. Димәк, яшәү ямен тояр өчен, изгелекләр кылырга, ешрак елма­ерга кирәк", -ди бер укучы. Бүген "Язгы игелек атналыгы" кысасында елмаю көне. Төрле сәбәпләр табып бер-беребезнең кәефен күтәрик.

"Язгы игелек" атнасы планы буенча бүген сәламәт яшәү рәвешеналып барырга өндәү көне. Укучыларыбыз иртәне гимнастика белән башласалар, тәнәфесләрдә өстәл теннисы буенча ярыш оештырдылар. Әлеге уенда беренчелекне Шәйхетдинов Ранил, икенче урынны Садыков Рәйхан һәм өченче урынны Гатауллин Айдар алдылар.

ТР Министрлар Кабинеты боерыгы белән республикада ел саен “Язгы игелек атнасы” үткәрелә. Быел ул агымдагы атнаны колачлаячак.

“Язгы игелек” атнасы кысаларында мәктәптә төрле социаль чаралар үткәрү планлаштырылган. Бүген әлеге атнаны ачу һәм план белән танышу уздырылды.

Бүген бездә “Замана мәктәбендә әхлак тәрбиясе юнәлешендәге үзенчәлекләр. Тәрбияви белем мәйданында традицияләр, дини эчтәлектәге сәнгать әсәрләренең роле” темасына багышланган республикакүләм семинар булып узды. Әлеге семинарга кунак булып Җәлил хәзрәт, Шубан мәчете имамы, Россия ислам университетының гуманитар дисциплина кафедрасы җитәкчесе, филологик фәннәр кандидаты, галимәСафиуллина Резеда Риф кызы чакырылганнар иде. 

Классларда Бөек Җиңүнең 70 еллыгына багышланган тәрбия сәгатьләре гел үткәрелеп тора. Укучылар сугышта катнашкан авылдашларыбызның батырлыклары турында сөйләделәр. Закирова Таңсылу бабасының истәлекләре белән таныштырды.