Бүген 9 нчы сыйныфлар  математикадан, 13 е көнне рус теленнән имтихан биреп караячаклар. Аларның "2" леләрсез биреп кайтуларын телибез.

Мәктәбебез укучылары тырышып Яңа ел бәйрәменә әзерләнәләр. Мәктәп тирәләре матур итеп бизәлде, әкият дөньясына күмелде.

   14 нче декабрьдә укучыларның башкару сәләтләрен үстерү, татар халык иҗатын пропагандалау һәм татар милли музыкасы аша укучыларга мәдәни һәм әхлак тәрбиясе бирү максатыннан "Халык зур ул, моңлы ул..." зонаара ачык конкурс-фестивале узды. Конкурста 7 яшьтән алып 15 яшькә кадәрге гомуми белем бирүче мәктәп укучылары катнашты. Әлеге чарада безнең укучыларыбыз фольклор номинациясендә II урынга лаек булдылар.

12 декабрьдә Россия Федерациясенең күпмилләтле халкы илебез тарихында иң мөһим дәүләт бәйрәмнәренең берсе – Конституция көнен билгеләп үтә.

Илебезнең әлеге Төп Законы Россияне демократик, хокукый федератив дәүләт дип игълан итте, гражданлык җәмгыятенең асыл кыйммәтләрен – шәхес хокукларын һәм ирекләрен хөрмәт итүне, халыкларның тигез хокуклылыгын раслады. Конституция сәяси һәм социаль тотрыклылыкның мөһим факторына, дәүләт хакимиятенең, җирле үзидарә нигезләренең какшамас гарантына әверелде. Федератив дәүләт корылышының, Конституциянең нигезләрен ныгыту мөстәкыйль икътисадый һәм социаль үсеш мөмкинлеген бирде. Илебезне көчле һәм алга киткән дәүләт итү өчен һәммәбездән күп хезмәт, бердәм тырышлык сорала. Ватаныбыз алдындагы изге бурычны үтәүдә барыбызга да уңышлар юлдаш булсын.             

«Балтач гадәттән тыш хәлләргә әзер». Бүген – 8 декабрьдә Татарстан Республикасы Гражданнар оборонасы һәм гадәттән тыш хәлләр министрлыгы республика районнарының гадәттән тыш хәлләргә әзерлеге буенча үткәргән өйрәнүләрдә Балтач районына әнә шундый бәя куелды.

6  нчы декабрь көнне Балтач районының ФОРПОСТ җитәкчесе белән мәктәбебезнең ФОРПОСТ отряды очрашуы булды. 

Бүген 9 нчы сыйныф укучылары рус теленнән сынап карау имтихан эше эшләделәр. 

1 декабрь- бөтендөнья СПИДка каршы көрәш көне. Шул унайдан мәктәбебездә 7-9 сыйныф укучылары өчен биология укытучысы «Мин үземне сакларга әзер» дип исемләнгән профилактик чыгыш ясады. Шушы чыгышында ул укучыларга ВИЧ инфекциясе, СПИД авыруларын булдырмый калдыру һәм башка профилактик чаралар турында сөйләде. Барлык укучылар да игътибар белән тыңладылар.

Фән укытучылары тарафыннан һәр баланың фәннәрне үзләштерү дәрәҗәсе, дәрестә катнашуы һәм тәртибе

турында ата-ана белән кара-каршы фикер алышуы алга таба бергәләп хезмәттәшлек итәргә этәргеч бирде.