22 ноября, в день рождения Владимира Даля, по всей России отмечают праздник информационной и коммуникационной культуры – День словаря. В этот день в школах, университетах и библиотеках России проходят словарные уроки, конкурсы, встречи с авторами словарей, а ведущие российские филологи читают лекции.

Кичә Кече Лызи мәдәният йортында "Тату сыйныф серләре" дигән бәйгенең беренче этабы узды. Командалар эштә үз юнәлешләрен тәкъдим иттеләр. Алар мәктәп һәм гаиләнең үзара эшчәнлеге хакында күңелсез сөйләүләр генә булмады. Чыгышлар музыка, биюләр, җырлар, сәхнәләштерелгән тамашалар белән үрелеп барды. Зал конкурсантларның үзенчәлекле табышларын җылы кабул итте.

Бүген Смәел урта гомуми белем мәктәбендә "КАИ - крылья для жизни" дип исемләнгән фәнни-гамәли конференция үткәрелде. 

Бөрбаш мәктәбендә үткәрелгән түбәкара "Туган ягым - яшел бишек" конференциясендә татар теле секциясендә Гилмуллин Рияз икенче,(укытучысы Сәләхетдинов Инсаф), рус теле секциясендә Гилмутдинова Ләлә беренче урынны ( укытучысы Гирфанов Ринат) яулады. Афәрин, балалар! 

 7 нче ноябрьдән  икенче чирек башланып китте. Укучыларыбыз көзге каникулда ял итеп, көч туплап килделәр. Мәктәбебез тормышы белем алу һәм иҗади эшләр белән үрелеп бара. Ноябрь ае әхлак тәрбиясе айлыгы буларак игълан ителде.

" Кадерле татарстанлылар! Сезне чын йөрәктән Татарстан Республикасы Конституциясе Көне белән тәбрик итәм! Күңел биреп башкарган һәр эшегез, ирешкән нәтиҗәләрегез, туплаган гыйлем-тәҗрибәгез сезгә шатлык-куанычлар һәм канәгатьлек китерсен, һәр көнегезне якын кешеләрегезнең ихлас теләктәшлеген тоеп, сөенеп яшәгез! Һәммәгезгә дә исәнлек-саулык, тынычлык һәм иминлек телим.
Бәйрәм котлы булсын!",  - диелгән  Татарстан Республикасы Президенты Рөстәм Миңнеханов мөрәҗәгетендә.  

Җәмәгать тәртибен саклаучы яшьләр оешмаларының спартакиадасында Шубан төп белем мәктәбе укучылары да катнашып, командалар арасында беренче урын алып кайттылар. Ярышларда шәхси уңышка ирешүчеләр дә бар: Камалиева Мәликә, Хайдарзянов Сөләйман ату буенча беренче, отжимание буенча Хайдарзянов Сөләйман икенче, пресс ясау буенча Камалиева Мәликә өченче урын яуладылар.  Алар барысы да "Форпост" республика үзәге дипломнары һәм кубок белән бүләкләнделәр.

Бу көнне укытучылар, тәрбиячеләр, мәктәп директорлары, балалар бакчалары мөдирләре көчен-куәтен, җитезлеген сынады. Спартакиаданың иң күңелле мизгелләренең берсе, командаларның аркан тартышуы булды. Укытучы, тәрбиячеләрнең шулкадәр бирелеп аркан тартуы, бер-берсенә көч-дәрт биреп торуларын күзәтү үзе бер тамаша булды. Төп белем мәктәпләре арасында укытучыларыбыз икенче урын алып кайттылар.

Көз көне мәктәптә уныш бәйрәме уздыру матур гадәткә әйләнде. Бу көнне табигать материалларыннан эшләнгән “Табигать hәм фантазия” дип исемләнгән күргәзмә оештырылды. Мәктәп залы чәчәкләр, көзге яфраклар, кәрзингә салынган җиләк-җимеш, яшелчәләр белән бизәлде.