"Мы в ответе за свои поступки"  (Без үзебезнең эш-гамәлләребез өчен җаваплы) темасына бердәм дәрес уздырылды. Төп чыгышны тарих һәм җәмгыять белеме укытучысы Салават Галиахметович ясады. Авыл советы җитәкчесе Сәгурә Закариевна да укучылырны хокуклары һәм бурычлары белән таныштырды.

Бөтен Россия буенча "Солдатка хат" акциясе уза. Аны РФ Оборона һәм Мәгариф министрлыклары  ярдәмендә "Яшь армия"  хәрәкәте гамәлгә ашыра. 

Акциягә мәктәбебез укучылары да кушылдылар. Алар Украинада махсус операцияләрдә катнашучы хәрбиләргә күңел күтәргеч һәм рухландыргыч хатлар яздылар. Хәрби кыр почтасының барлык юлламалары, һичшиксез, үз адресатларын табачак.

Укытучылар көне һәм олылар көнен берләштереп укучыларыбыз концерт куйды.

Илебез буенча 1 октябрьдә Өлкәннәр көне билгеләп үтелә. Төрле җирләрдә хөрмәтле картларыбызны котлаулар, бүләкләүләр белән искә алабыз.
Кадерле әби-бабаларыбыз!

Заман авырлыкларына бирешмичә илебез уңышы өчен көчегезне кызганмагансыз. Бу дөньяда куйган хезмәтләрегез, кылган изгелекләрегез өчен рәхмәт сезгә!
Без, яшьләр, сезнең киңәшләрегездән тайпылмабыз, үрнәк булырга тырышырбыз! Саулык-сәламәтлектә, дөньяга ямь биреп яшәгез,
урыннарыгыз өйнең түрендә булсын!
Бәйрәмегез белән!

Бүген мәктәбебездә психологлар белән очрашу үтте. Бу очрашу 2-5 нче сыйныф укучыларына файдалы мәгълүмат бирде.

Безнең җәмгыятьтә балалар җинаяте, хокук бозулар булганда, моңа каршы көрәшүнең яңа формалары кулланылырга тиеш. Шуларның берсе - җәмәгать тәртибен саклау буенча яшүсмер - яшьләр формированиесе үзәге "Форпост" төзү. Безнең мәктәптә дә ФОРПОСТ отряды эшләп килә, һәм алар һәрдаим ФОРПОСТ отрядлары башлыгы Гилемзянов Фердинанд Шарифуллович белән очрашып, фикерләр алмашып торалар.

Миләш өлгереп килә. Миләш җиләкләре бик ачы булса да, аның составында бик күп файдалы матдәләр бар. Миләш каротиннарга һәм антициан кушылмаларга, А һәм С витаминнарына, пектинга бай.

Укучыларыбыз миләш җыюга зур өлеш керттеләр.

Бүген гомуми ата-аналар җыелышы булып узды. Анда гаиләдә ата-ана белән бала арасындагы каршылыклар һәм аларны хәл итү юллары, җылы ашау, меню, мәктәпнең эчке кагыйдәсе турында сойләшенде. Җыелышта Балтач районының ПДН ОМВД старший инспекторы Ләйсән Маратовнаның да чыгышы булды.

Соңгы елларда республикабызда автотранспорт саны, юлларда машина хәрәкәте көннән-көн арта бара. Шуның нәтиҗәсендә балаларның юл-транспорт һәлакәтенә юлыгу куркынычы да көчәя. Ә бу исә, үз чиратында, балаларга мәктәпкәчә яшьтән үк юл йөрү куркынычсызлыгы кагыйдәләрен өйрәтү кирәклегенә басым ясый. Районыбызның юл йору куркынычсызлыгы буенча башлыгы Лилия Мухаммедгалиевна укучыларга "юл әлифбасын" өйрәтте.

Кешенең үз-үзен тотышыннан, гадәтләреннән ни дәрәҗәдә әдәпле булуын белеп була. Яхшы гадәтләрне үзеңдә кече яшьтән үк тәрбияләргә кирәк. Моның өчен син кайда гына булсаң да, урамдамы, мәктәптәме, дәрестәме, тәнәфестәме-әдәплелек кагыйдәләрен онытмаска тиеш. Ләйлә Фаргатовна укучылар арасында булган закон бозу очракларын һәм аның аянычлы нәтиҗәләрен сөйләде. Профилактик әңгәмә оештырды.