17 февральдән 19ына кадәр мәктәбебезнең ике укучысы Ибраһимова Динара һәм Рамазанова Гөлчәчәк, педагог – организатор Шәрәфиева Г. М. республикакүләм  Балалар оешмалары слетында райныбыз вәкилләре буларак катнаштылар.

18-февраль  көнне  мәктәбебездә  “Чаңгы юллары-2012” чарасы үтте.  Саф һавада  һәркем  рәхәтләнеп чаңгыда шуды.  1-4 сыйныфлар,  5-7 сыйныф укучылары  арасында  ярыш нәтиҗәләре чыгарылды. Чараны   Хабибуллина Ф.Н., һәм Зайнетдинов Р.Т. лар оештырды.

16 – февраль көнне мәктәбебездә “Без талантлар эзлибез” дип исемләнгән Зур концерт булды. Әлеге концерт “Йолдызлык” иҗат фестиваленең сайлап алу этабы иде. Катнашкан һәр укучыга һәм әзерләгән укытучыларга рәхмәтебезне белдерәбез!

Мәктәптә бүгенге көндә  “Без талантлар эзлибез!” дип исемләнгән  концертка  әзерлек бара. Анда уңышлы чыгыш ясаган укучылар “Йолдызлык” иҗат  фестиваленең  зона ярышларында чыгыш ясачаяклар.

Татар әдәбияты  фәненнән  мәктәбебезнең 11-сыйныф укучысы- Шаһиев Ильяс республика  олимпиадасында катнашып кайтты. Укытучысы - Ибраһимова Х.Г.  Шаһиев Ильяс республика призёры булды. Үзе һәм укытучысы-  Ибраһимова Халидә Гайфетдиновна  Фән һәм Мәгариф  министрлыгының Мактау  грамотасы белән бүләкләнделәр. А Ф Ә Р И Н!

14-февраль  көнне  мәктәбебездә  Гашыйклар көне уңаеннан  8-11 сыйныф укучылары өчен  “Әйдә, өйләнешәбез” дип исемләнгән  кичә булды. Кичәне Инглиз теле укытучысы-Кәримова Ч.З. һәм 10- сыйныф укучылары оештырды.  Чара күңелле һәм ныклы әзерлек белән үтте. Барыгызны да  бәйрәм белән!

Хәрби-спорт көннәре уңаеннан,  14-февраль көнне 5-7 сыйныф малайлары арасында тимераякта  шуу буенча эстафета уеннары үтте. Чараны ТИН һәм физкультура  укытучысы- Зайнетдинов Р.Т. оештырды.  I урынны-Яшелләр,  II урынны-Зәңгәрләр,   III урынны- Каралар,  IV Кызыллар командалары яулады.  Җиңүчеләрне  җиңүләре  белән котлыйбыз. Һәр командага алдыгы ярышларда  уңышлар телибез!

Мәктәбебездә  Хәрби-спорт көннәре  дәвам итә.5-7 сыйныф укучылары өчен 14-февраль  көнне “Күңелле стартлар” уены үтте.Чараны физкультура укытучысы- Хабибуллина Ф.Н. оештырды. I урынны Каралар,  II урынны-Зәңгәрләр,  III  урынны-Яшелләр, IV урынны- кызыллар командалары яулады. Җиңүчеләрне  җиңүләре  белән котлыйбыз. Һәр командага алдыгы ярышларда  уңышлар телибез!

Мәктәбебездә  хәрби-спорт көннәре гөрли. 13-февраль  көнне  командалар арасында волейбол ярышлары үтте.Чараны ТИН  укытучысы- Зайнетдинов Р.Т. оештырды. I урынны Зәңгәрләр,    II урынны-кызыллар,     III урынны-Каралар ,  IV-урынны- яшелләр командасы алды. Җиңүчеләрне  җиңүләре  белән котлыйбыз. Һәр командага алдыгы ярышларда  уңышлар телибез!

Башлангыч сыйныфлар атналыгы уңаеннан  Хакимова М.Р. 1-4  сыйныф укучылары өчен “Казан-Универсиаданы  каршылый” дип исемләнгән  чара оештырды. Укучылар универсиада буенча үзләрен кызыксындырган сорауларга җаваплар таптылар.

Мәктәбебездә 6-11 февраль  көннәрендә  Башлангыч  сыйныфлар атналыгы үтте. Исмагилова Райханә Зөфәревна 10- февраль көнне 1-4 сыйныф укучылары өчен “Грамматик кичә” оештырды. Чара оешкан төстә үтте.