21-ноябрь  көнне   мәктәбебезнең укучылар  оешмасында   министрлыкларның   утырышы булды. Министрлар  үткән атнада булган эшләргә  нәтиҗәләр ясадылар. Яңа эшләргә   планнар кабул иттеләр, һәр эшкә үз фикерләрен  белдерделәр. Минстрлыкларның  киңәшмәсен   педагог-организатор  Шәрәфиева  Гөлнара Мансуровна   үткәрде. Без укучыларыбызның  үз фикерләре  булуларын, араларында  лидерлар  тәрбияләнүен  хуплыйбыз!

19- ноябрь  көнне   мәктәбебезнең   ике   укучысы-  Рамазанов  Дилүс  һәм  Файзрахманов  Рүзәлләр   районкүләм  милли көрәш ярышларында катнашып,   уңышлы чыгыш ясап кайттылар. Рамазанов   Дилүс  үз үлчәү  авырлыгында   батыр калып,  медальгә  лаек булды.  Дилүсне  Җиңүе  белән котлыйбыз!

Мәктәбебезнең сәләтле укучылары бу атна дәвамында информатика, тарих, математика һәм биология буенча район туры олимпиадаларында катнашып кайттылар. Укучыларыбызга олимпиадаларда  уңышлар телибез!

Арбор мәктәбендә Зәкиев Билсур Мансурович призына оештырылачак татар-башкорт көрәшенә мәктәбебез данын яклап Фәйзрахманов Рүзәл һәм Рамазанов Дилүс көрәшәчәкләр. Егетләребезгә зур уңышлар һәм иң мөһиме иман байлыгы, саулык-сәламәтлек телибез!!!  

 15-18 ноябрь  көннәрендә  сыйныфларда    әти-әниләр  җыелышлары  үтте.  Башлангыч сыйныфларның әти-әниләре  өчен “Ачык дәрес”ләр үткәрелде.  Әти-әниләр  дәресләрдә, соңыннан  җыелышларда катнаштылар. Әлеге көннәр  әти-әниләр белән  чын аралашу, киңәшләшү көннәре   булды.

15-ноябрь  көнне хокук  айлыгы кысаларында барлык    башлангыч сыйныф укучылары өчен “Ут дус та, дошман да” дигән темага    сыйныф сәгате үтте.  Чараны     4-сыйныф  җитәкчесе Ибраһимова  Дамира Мансуровна  әзерләде һәм үткәрде.  Презентация белән  баетылган  сыйныф сәгате  яхшы  эчтәлектә үтте.

   Мәктәбебез     укытучылары   14- ноябрь   к өнне  “Хыял ”  яшьләр   үзәге  оештырган   спорт-күңел  ачу  бәйгесендә    катнашып    кайттылар.  Команда  составында  түбәндәге    укытучылар иде:  

           1. Зайнетдинов   Ришат  Тәлгатевич

           2.Ибраһимов  Айзат Василевич

           3.Набиуллин Алмаз Гайнанович

           4. Шәрәфиева Гөлнара  Мансуровна

           5. Кәримова  Чулпан  Зөлфәтевна

Уңышлы  чыгышыгыз  белән котлыйбыз  һәм алдгы бәйгеләрдә  уңышлар һәм  гаиләләрегезгә иминлек телибез.

Республика күләмендә Татфондбанк үткәргән "100 талантлы авыл баласы"   бәйгесендә 11-сыйныф укучысы Шәрәфиев Җәүдәт диплом белән бүләкләнде һәм стипендиягә лаек булды. Укытучысы Зарипов Р.Ш. белән Казан шәһәрендә бүләкләү тантанасында катнашты. Котлыйбыз!

"Я выбираю спорт как альтернативу пагубным привычкам" акциясе кысаларында 10,11 ноябрь көннәрендә мәктәбебездә  спорт ярышлары үтте. Укучылар теләп катнаштылар. Каникул көннәре файдалы үтте.   

9 ноябрь көнне мәктәпнең педагог-организаторы Шәрәфиева Гөлнара Мансуровна актив укучы, 8 класс командиры Корбангалиева Рания белән балалар оешмаларының  1 нче слетында катнаштылар