“Куркынычсыз җәй”

Участокның вәкаләтле полиция вәкиле Николаев Ю.И.  укучылар белән очрашуда җәйге каникулларда куркынычсызлык һәм юл йөрү кагыйдәре турында сөйләде.

“Җәйге аҗаган – 2014”

Мәктәбебезнең барлык укучылары һәм укытучылары  җәйге аҗаганга чыктык. Командалар төрле постларда биремнәр үтәделәр, ярышларда көч сынаштылар. Бәйрәм күңелле үтте. 

12 май- бердәм экология дәресе көне.

Иҗат-отчет концерты.

Зур әзерлек белән мәктәпнең иҗат-отчет концерты үтте. Әлеге чарада ел буе эшләгән эшләргә йомгак ясалды, алдынгы укучылар бүләкләнде, матур җырлар яңгырады, дәртле биюләр башкарылды.

Бөек Җиңүнең 69 еллыгына багышланган митинг.

Авылыбыз үзәгендә урнашкан һәйкәл янында Бөек Җиңүнең 69 еллыгына багышланган митинг үтте. Мәктәп коллективы белән әлеге чарада катнаштык. Укучылар матур чыгыш ясадылар һәм батырлар хөрмәтенә чәчәкләр салынды

“Яшел беретлар” концерты.

Мәктәп коллективы белән “Яшел беретлар” ансамбле концертын карадык. Концертта яңгыраган җырлар һәркемнең йөрәгенә үтеп керде. 

"Куркынычсыз тәгәрмәч" конкурсы

Мәктәбебезнең командасы “Куркынычсыз тәгәрмәч” конкурсының район этабында уңышлы чыгыш ясадылар һәм кыйммәтле бүләкләргә лаек булдылар..

Парламент дәресе “Без бергә!”

Мәктәптә Россиягә Кырымның кушылуына багышланган  “Без бергә!” темасы астында Парламент дәресләре үтте. 

“Йолдызлык –  2014”

Мәктәбебезнең “Балачак” бию төркеме  районда “Йолдызлык –  2014” конкурсының финалында катнашып, диплом белән бүләкләнде. Җитәкчесе: Зәйнетдинова Э.Р.

“Китап безнең дустыбыз”

Китапханәче Гыймадетдинова А.Ш. башлангыч сыйныф укучылары белән “Китап безнең дустыбыз” дигән кичә үткәрде. Әлеге кичә ахырында “Иң күп китап укучылар” билгеләп үтелде һәм аларга грамоталар тапшырылды.