1552 елның октябрендә Казан ханлыгы явыз Иван тарафыннан басып алына. Шәһәр тар-мар ителә, меңнәрчә каһарманнар үз илен, телен, динен яклап шаһит китә. Бу безнең тарих, үткәннәрне безнең онытырга хакыбыз юк. Шушы уңайдан мәктәптә искә алу кичәсе уздырылды, презентацияләр күрсәтелде.

Мәктәбебездә кышка әзерләнү эшләре бара. Шушы максаттан укучылар дәресләрдән соң өмәгә чыктылар. Алар мәктәп территориясен, чәчәклекләрне җыештырдылар, ә бертөркем укучылар мәктәп бакчасында сарымсак утыртты.

Мәктәбебезнең  5 укучысы  “Милли тавыш” проектының беренче турында катнаштылар һәм барысы да жюри членнары тарафыннан яклау таптылар. 4 класс укучысы Нуриев Булат, 7 класс укучылары Ахмадуллина Альбина, Сәләхетдинова Эльвина, Сафиуллина Лилия, 11 класс укучысы Сафиуллин Рафилләр Чепья мәдәният йорты сәхнәсендә чыгыш ясадылар.

Һәр атна саен шимбә көнне рапортичкаларга нәтиҗә ясала, очколар исәпләнелә, урыннар чыгарыла. Дүшәмбе көнне иртәнге линейкада лидерыбыз Закирова Гөлүсә нәтиҗәләр белән таныштыра. Шулай ук әлеге нәтиҗәләр экранда да күрсәтелеп барыла.

Мәктәбебездә мәктәп беренчелегенә татарча көрәш бәйгесе уздыру традициягә кереп китте. Әлеге ярышта татарча көрәш түгәрәгенә йөрүче укучылар катнашты. Ярыш татар-башкорт көрәшен үз итүче спонсорларыбыз ярдәме белән оештырылды. Җиңүче укучыларга акчалата бүләкләр тапшырылды

Бүген мәктәптә 9-11 сыйныф укучылары өчен ял кичәсе уздырылды.

Бүген мәктәбебезгә кунакка авылыбызның барлык өлкәннәре җыйналды. Алар мәктәп белән таныштылар, ашханәдә чәй табыны артында  укучылар көче белән әзерләнгән концерт карадылар. Өлкәннәребез җитәкчеләргә, мәктәп коллективына зур  рәхмәтләрен белдерделәр.

Башлангыч сыйныфлар айлыгына нәтиҗә ясалды һәм төрле чараларда актив катнашкан укучыларга мәктәп грамоталары тапшырылды.

Мәктәбезнең кызлар командасы район күләмендә уздырылган волейбол ярышында катнашып 3 урынны яулады. Кызларыбызга алдагы ярышларда тагын да зурырак уңышлар телибез.

Мәктәп күләмендә “Укытучым” дип исемләнгән акция уздырылды.Әлеге акция барышында башлангыч сыйныфлар укытучыларны бәйрәм белән котлап шигъри тәлгәшләр бүләк иттеләр. Барлык мәктәп укучылары бергә башкарган “Сез иң гүзәл кеше икәнсез”! дигән җыр кадерле укытучыларыбызга бәйрәм котлавы булып барып иреште. Шулай ук укучылар укытучыларыбызга кулдан ясалган, матур теләкләр язылган открыткалар тараттылар.