Балтач музыка мәктәбендә шөгыльләнүче 7 сыйныф укучысы Сәләхетдинова Эльвина “Этномириада” халыкара фестиваль-конкурсында катнашты. Ул әлеге конкурста “Халык җырларын башкаручы” номинациясендә җиңүче булды һәм диплом белән бүләкләнде.

Үзидарә членнары һәм хакимият башлыкларының берләштерелгән утырышы уздырылды. Әлеге утырышта рапортичка тоту, “көз” бәйрәмен уздыру мәсьәләләре каралды.

6-11 сыйныф укучылары белән очрашуга полиция хезмәткәре Фролова Ләйсән Маратовна һәм участок инспекторы Муллахметов Фәнил Шамилевичлар килде. Алар укучыларга кич йөрүләр, тәртип бозулар, тәмәке, наркотик, алкогольле эчемлек кулланучыларга нинди чаралар күрелүе турында сөйләделәр. Шулай ук “Наркотикларсыз тормыш” айлыгы кысаларында аңлату эшләре алып бардылар.

Инглиз теле атналыгы дәвам итә. Бүген мәктәп укытучылары өчен инглиз теле укытучысы Ләйсән Саматовна 7 сыйныф укучылары белән ачык дәрес һәм дәрестән тыш чара күрсәтте. Укучылар дәрестә актив катнаштылар.

Инглиз теле укытучысы Энҗе Шамилевна 2 класста әти-әниләр өчен ачык дәрес күрсәтте. 

8-11 сыйныф укучылары өчен “Англо говорящие страны” темасына викторина уздырылды. Әлеге викторинада һәр класстан 4әр укучылы команда катнашты.

20 октябрьдән 25 октябрьгә кадәр мәктәп күләмендә инглиз теле атналыгы уза. Атна дәвамында укучыларны кызыклы конкурслар, кичәләр көтә. Шулай ук әти-әниләр өчен инглиз теленнән ачык дәресләр дә күрсәтеләчәк.

Борнак башлангыч мәктәбендә бик матур көз бәйрәме уздырылды.Алар шушы матур бәйрәмгә  өлкәннәрне дә чакырдылар. Укучылар үзләренең яраткан әби-бабайларына концерт, театр күрсәттеләр. Өлкәннәрнең үзләрен чагылдырган презентация бәйрәмгә тагын бер күркәмлек өстәде.  Бәйрәм чәй табыны артында дәвам итте.

9 һәм 11 сыйныф укучылары  математика, рус теле һәм сайланма фәннәрдән  ЕГЭ һәм ОГЭга әзерләнү максатыннан мәктәптә сынау имтиханнары бирәләр. Әлеге имтиханнар һәр ай саен уздырыла.