Оборона-масса һәм спорт айлыгы кысаларында мәктәп беренчелегенә волейбол ярышлары уза. Ярышларны ДЮСШ каршында оештырылган түгәрәк җитәкчесе Ренат Рафаилович оештыра.

Мәктәбебезнең Сәлимә Зиннатовна җитәкчелегендәге бию коллективы Чепья мәдәният йортында Бөек Җиңүнең 70 еллыгына багышлап уздырылган “Шома бас” дип исемләнгән бию конкурсында катнашты. Биючеләребезнең чыгышлары көчле алкышларга күмелде.

Мәктәп күләмендә чгарыла торган “Хыял” газетасының чираттагы саны дөнья күрде. Газетаның әлеге саны оборона-масса һәм спорт айлыгына багышланып чыгарылды. Биредә тыл һәм сугыш ветераннарына, тынычлыкка багышланган мәкаләләр дөнья күрде.

Бүген мәктәбебезнең барлык укучылары һәм укытучылары Рәсәй күләмендә уздырылган чаңгычылар көнендә катнашты.

Бүген 11 сыйныф укучылары белән очрашуга Казан дәүләт энергетика университеты студенты авылдашыбыз, мәктәбебезнең элекеге укучысы,  Сабиров Раушан килде. Ул укучыларга әлеге университет, андагы факультетлар, кабул итү тәртибе турында сөйләде. Укучыларны университет тормышы белән таныштырды һәм чыгарылыш сыйныф укучыларын әлеге уку йортына укырга  керергә өндәде.

Район күләмендә Ахмадиевлар призына көрәш ярышы уздырылды. Әлеге ярышта мәктәбебез командасы өченче ел рәттән 1 урынны яулады. Менә безнең батырлар:

Хабибуллин Руфил- 1 урын

Рафиков Инсаф-1 урын

Юсупов Руслан- 1 урын

Галимуллин Айнур -2 урын

Рафиков Илсаф-2 урын

Бектурсонов Наил 2 урын

Ризванов Инсаф- 3 урын

Гарифҗанов Рамил- 3 урын

Мәктәбебездә “Гаилә ил тоткасы” дип исемләнгән гаилә бәйрәме узды. Бәйрәмдә 11 гаилә төрле номинацияләр буенча чыгыш ясады. Шулай ук әти-әниләрнең кул эшләреннән зур күргәзмә ясалды. Бәйрәм оешкан төстә узды. Һәр гаиләнең чыгышы көчле алкышларга күмелде.

Атна дәвамында мәктәбебезнең барлык укучылары Чепья авылында урнашкан “Халыклар дуслыгы” музеена сәяхәт кылдылар.  Музей укучыларыбызга бик ошады. Экскурсоводларның сөйләвен укучылар игътибар белән тыңладылар.  Музейның җитәкчесе  Гарифҗан Галиевич укучыларга сугыш темасын аеруча тирән итеп сөйләде. Ул укучыларны Бөек Җиңүнең 70 еллыгын каршылауда актив катнашырга чакырды.

Бөек Җиңүнең 70 еллыгы якынлашкан көннәрдә мәктәбебездә күп кенә эшләр эшләнә. Укучыларыбыз “Үлемсез полк” акциясенә кушылып сугыш ветераннары , тыл батырлары турында мәгълүматлар туплый башладылар. Шулай ук обелиск һәм  Советлар Союзы Герое Габдулла Гарифуллин һәйкәлен дә даими чистартып торабыз.

9 һәм 11 сыйныф укучылары өчен ЕГЭ һәм ОГЭларга әзерләнү максатыннан ай саен сынап карау тестлары уздырыла. Бүген шундый тестны 9 сыйныф укучылары рус теленнән эшләделәр.