Республиканский конкурс рисунков и фоторабот о древнем городе Болгар и острове граде-Свияжск, посвященному некоммерческой организации «Республиканский фонд возраждения памятников истории и культуры РТ»  был проведен муниципальный этап данного конкурса.

В старшей возрастной категории:

1 место – Закиров Ильдан, 9 А класс, руководитель: Закирова А.К.

Поздравляем!!!  Молодцы!!!

2 нче май көнне район үзәк сырхауханәсенең терапия бүлегендә дәваланучы райондашлар өчен Балтач гимназиясенең Форпост отряды әгъзалары тарафыннан Георгий лентасы өләшү акциясе уздырылды. Шул ук вакытта берничә номер белән аларның күңелләрен күтәрү максаты куелды. Палаталарда ятучылар бик теләп коридорга чыктылар.  Укучылар чыгыш ясап бетерүгә дәваланучылар үзләре сүз алды. Сосна авылыннан килгән Багаутдинова Галия апа үзенең шигырьләрен укып барлык кешеләрне таң калдырды. 88 нче яшенә җитеп килүче бу апаның чыгышын көчле  алкышларга күмделәр. Җылы сүз җан азыгы диләр. Сугыш чорының авырлыкларын күргән бу әби-бабайларның күңелен күрергә күп кирәкми. Бары тик игътибар һәм ихтирам кирәк.

1 МАЯ -   Праздник  труда,  День  труда,  Праздник  Весны  и  Труда!  

  29 нчы апрель көнне Балтач спорткомплексында район беренчелегенә, 2004-2005 елгы кызлар арасында, волейбол ярышлары булып узды. Гимназия кызлары  призлы 3 нче урынга лаек булдылар. Аларны беренче уңышлары белән котлыйбыз. Афәрин, кызлар!

Экология һәм табигый ресурслар инспекторы Ибраһимов Мансур, китапханәче Ибраһимова Асия һәм рус теле укытучысы Шакирҗанова Рәйсә тарафыннан “Чисталык икеайлыгы” кысаларында 5 нче сыйныф укучыларына “Җиребезне саклыйк” дип аталган экологик дәрес үткәрелде. Дәрестә “Нәрсә ул экология?”, “Тирә-юньне чиста тоту өчен кеше нәрсәләр эшли ала?” кебек сорауларга җавап эзләү формасында оештырылды. Мавыктыргыч әңгәмә табигатьне чиста саклауга багышланган видеофильм, Р.Рождественскийның “Үтенеч” шигыре аша укучылар әйләнә-тирәне тазартуга зур өлеш кертә алуларын аңладылар.

18-21 апрель көннәрендә Казанда  татар теле һәм әдәбиятыннан V халыкара олимпиада уздырылды. 21 нче апрель көнне Казанның «Баскет-холл» спорт комплексында 3500 тамашачы катнашында олимпиаданы йомгаклау тантанасы булды. Тантанада республикабыз Президенты Рөстәм Нургалиевич Миннеханов та катнашты. Олимпиаданың беренче турында 15 меңләп кеше катнашкан. Аларның 500е икенче турга узган. Австралия, Төркия, Казахстан, Япония, Үзбәкстан, Бельгия, Франция, Канада, Кытайдан катнашучылар булган. Олимпиада да  Балтач гимназиясеннән дә 2 укучы катнашты һәм яхшы нәтиҗәләре белән сөендерде. 8 нче Б сыйныфыннан Насырова Мәдинә 1 нче урын алды, 10 нчы сыйныфтан Мәхмүтова Лилия лауреат булды. ( укытучылары-Әхмәтова Р.Ш.) Кызларны ихлас котлыйбыз, киләчәктә дә уңышлар телибез.

Туган тел айлыгын йомгаклап, 26 нчы апрельдә Г. Тукайны искә алу кичәсе уздырылды. Укучылар аның шигырьләрен, мәсәлләрен сөйләде. Ай дәвамында төрле бәйгеләрдә җиңгән һәм чараларда актив катнашкан укучылар Мактау кәгазьләре белән бүләкләнде.

26 нчы апрельдә 6нчы А сыйныфы укучылары һәм әти-әниләре кичен гимназиянең актлар залына гаилә бәйрәменә җыелды. Бу уку елына нәтиҗә ясап, укучылар үзләренең кул эшләре, Мактау кәгазьләреннән күргәзмә оештырды. Аннан соң әти-әниләренә үзләре әзерләгән концертны күрсәтеп ял иттерде. Балаларның үзләренә дә, килгән кунакларга да хезмәт көненнән соң чын ял кичәсе булды ул.

В МБОУ «Балтасинская гимназия» продолжается работа по психологической подготовке  учащихся к сдаче экзаменов. Это и индивидуальные консультирования учащихся и групповые занятия с элементами тренинга. Не остаются в стороне и родители, ведь во многом от них зависит благополучное эмоциональное состояние детей. Тренинги для  родителей нацелены на принятие совместных мер по эффективной психологической  подготовке выпускников к экзаменационному периоду.

Бөек Җиңүнең 72 еллыгы  якынлашып килә. Кемдер өчен бу бәйрәм булса, сугышны үз башыннан кичергәннәр  һәм шул чорның барлык авырлыгын үз җилкәсендә татыганнар өчен, мөгаен күз яшьләре көнедер. Ут эчендә сугышкан батырларыбыз хәзерге көндә бармак белән генә санарлык. Балачагын шушы канлы көннәр арасында югалтканнар да көннән-көн кими бара. 25 нче апрель көнне Балтач гимназиясе укучылары Гыйльмуллин Гыйльван Гыйльмулла улында кунакта булып кайтты. Бу ачык йөзле, җор телле ветеранда без еш булабыз. “Сугыш башланганда миңа 11 яшь кенә иде” -  дип башлады ул сүзен. “Ачлык, хәерчелекнең үзәкләргә үткән вакытлары күп булды. 7 нче сыйныфны тәмамлагач мәктәпкә бармадым, чөнки эшләргә кирәк иде. 1948 нче елны ФЗУга алдылар. Аннары юллар мине Украина якларына Кузбасс шахталарына алып китте. 17-18 яшьлек егетләрне 2-3 километр тирәнлектәге шахталарга төшерәләр иде”. Карпат тауларында башыннан кичкәннәрен дә бик озаклап сөйләде ул. Ахырда укучыларга тәртипле, эшчән булуларын теләп үзенең үгет-нәсыйхәтләрен җиткерде. Бу очрашудан укучылар бик канәгать калдылар. Озак яшәгез әле ветераннар, сез киләчәк буынның олы терәге!