4нче март көнне укытучыларыбызның чираттагы педагогик киңәшмәсе булып узды. Көн тәртибе буенча,әлеге киңәшмәдә Мәгъфүр Раифовичның “Белемнең сыйфатын күтәрүдә тестларның кулланылышы һәм нәтиҗәсе”, Раушания Урановнаның “Мониторингларның белем бирүдә сыйфаты”, Фирания Ханифовнаның “Тәрбиянең төп асылы гаилә белән мәктәпнең бердәмлегендә” темаларына чыгышлары тыңланды

Мәктәптә профессиональ лицей №96 хезмәткәрләре белән очрашу үткәрелде. Очрашуда 9-11 сыйныф укучылары профлицей, аның эшчәнлек юнәлешләре белән таныштылар.

Мәктәптә Г. Тукайның 125 еллыгына багышланган чараларга старт бирелде. Беренчеләрдән булып эшкә яшь рәссамнар алынды.

Язгы каникулның беренче көнендә мәктәптә үткәрелгән "Кошлар көне" һәм "Карга боткасы" бәйрәмнәре турындагы язмалар матбугат битләрендә басылып чыкты. Язмадагы сылтамалар буенча алар белән таныша аласыз.

Бүген бездә макулатура җыйнау өмәсе

 Мәктәптә "INTEL – Обучение для будущего” программасы буенча укулар башланды

Мәктәпләр арасында үткән волейбол ярышларында безнең кызларыбыз командасы I урынга лаек булып, район күчмә кубогын алдылар.

26 март мәктәпнең спорт залында авылдашыбыз, атаклы көрәшче Фидаил Шакиров призына көрәш бәйгесе үткәрелде. Районыбыз мәктәпләреннән һәм күрше районнардан килгән яшь көрәшчеләр бәйгедә бил алышты.

 26 март көнне авылыбыз күләмендә үткәрелгән “Нәүрүз” бәйрәмендә мәктәбебез укучылары да актив катнашты. Җырчы кызларыбыз авыл халкына матур җырларын бүләк иттеләр, бертөркем укучыларыбыз күңелле ярышларда катнашып, истәлек бүләкләренә ия булдылар.

26 мартта СХПК "Игенче" призына ир-егеләр һәм хатын-кызлар арасында шәхси беренчелеккә үткәрелгән шахмат бәйгесендә 11 сыйныф укучысы Мифтахова З.   II урын яулады.