Безнең Татарстаныбыз музейларга бик бай. Үзебезнең Арча районында гына да ничә төрле музей эшләп килә. Бу музейларга,үзебезнең үткәнебез белән таныштыру максатыннан укучыларыбыз белән даими экскурсияләр оештырып торабыз.Мәктәбебезнең “Туган якны өйрәнү” музеенда, (җитәкчесе Сагдуллина Рәзинә Рәисовна) эш тулы көчендә алып барыла. Укучыларыбыз дәресләрдә, класстан тыш чараларда музейда булалар, укытучылар өчен бу музеебыз бик зур ярдәм булып тора.

"Көзге мәрхәмәтлелек атналыгы -мәрхәмәтле эшләр эстафетасы" акциясе дәвам итә. 11 сентябрь «Минем гаиләм» акциясе көне. Безнең мәктәптә гаилә, бердәмлек, татулык, тигезлек төшенчәләрен  аңлату максатыннан бик күп төрле дәрес алды әңгәмәләре, класстан тыш чаралар үткәрелә. Гаилә, мәктәп балаларны тәрбияләүдә, бер-берсе белән тыгыз элемтәдә эш алып барыла.

"Иминлек айлыгы" һәм укучыларда   гадәттән тыш вакытларда үз-үзләрен тоту кагыйдәләрен өйрәтү максатыннан мәктәпкүләм эвакуация үткәрелде.Укучылар укытучылар җитәкчелегендә маскалар киеп оешкан төстә эвакуацияләнде. Җыелу урыны-спортплощадкада ОБЖ укытучысы мәктәп директорына барлык укучы, укытучы, техперсоналның мәктәптән чыгарылуы турында рапорт тапшырды.

Безнең мәктәпнең укучылары даими ялгыз әби-бабайларга, сугыш һәм тыл ветераннарына,  булышып торалар. Һәр классның шефлык итү өчен билгеләп куелган кешеләре бар. Укучыларыбыз бүгенге “Көзге игелекле эшләр атналыгы”кысаларында үткәрелгән акциядә актив катнаштылар.Дәресләрдән соң алар хөрмәтле өлкәннәребезнең өйләренә бардылар. Кемдер бәрәңге алуда, кемдер өйләрен чистартуда, кишер, чөгендер алуда булыштылар. Аларның изге эшләре өчен зур рәхмәт белдерәбез.

 Иминлек айлыгы һәм укучылар арасында юл-транспорт фаҗигаләрен кисәтү максатыннан классларда тәрбия сәгатьләре үткәрелде. Укучылар юл йөрү кагыйдәләрен искә төшереп кенә калмадылар, әлеге темага карата үз фикерләрен җиткерделәр, җәяүлеләр өчен мәктәп кысаларында  кагыйдәләр булдырдылар.

 Бүген мәктәптә "Иминлек айлыгы" кысаларында һәм укучыларның хокук бозуларын кисәтү максатыннан өлкән уполномоченный Хисамиев Л.А.  белән очрашу булды. Ул укучыларга профилактик әңгәмә үткәрде, 1 класс укучыларына яктылыкны кайтаручы махсус браслетлар тапшырды. 

"Доброе слово"

   Кыңгыраулы мәктәп еллары күңелдә кала торган иң шатлыклы һәм мәшәкатьсез мизгелләрнең берсе. Бу чынлап та бик дөрес. Мәктәп кешегә беренче бик мөһим булган белемне генә түгел, беренче тормыш дәресләрен дә бирә, дуслык һәм беренче мәхәббәт хисләре белән дә таныштыра.
Барсы да үзенең мәктәптәге беренче көнен бәлки хәтерләп тә бетермидер, ләкин һәркем үзенең классташларын, укытучыларын  күпме еллар үтсә дә исендә тота.  Мәктәп һәм андагы булган барлык шатлыклы һәм моңсу вакыйгаларны  тасвирлаган рәссамнарның иҗаты белән танышыр өчен мәктәбебезнең “Могҗизалы иҗат почмагы”на чакырып калабыз!

Рассказ  об известных благотворителях.

     Мәктәбебездә экстремизмга каршы көрәш айлыгы кысаларында һәм укучыларда террорчылыкка каршы аңлы караш формалаштыру максатыннан "Беслан! Без синең белән!" дип исемләнгән мероприятие үткәрелде.Укучылар Беслан трагедиясенә теләктәшлек күрсәтеп,  һәлак булганнарны  1 минутлык тынлык белән искә алдылар. Җиребездә һәрвакыт тынычлык һәм иминлек хөкем сөрсен иде!