Автобуска утырып, Диләне туган көне белән котларга бардык. Матур теләкләр теләп, бүләкләрне тапшырдык.

Музыка эшчәнлегендә җырлы - биюле уеннарны яратып уйныйбыз. Ул балаларда дуслык, иптәшлек, гаделлек, зирәклек кебек сыйфатлар тәрбияли. Шулай ук балаларның  мөстәкыйльлекләре арта, оештыру сәләтләре үсә.

"Лото" уеннары  балаларда зирәклек, оешканлык, коллективта үзеңне тота белү, җитезлек сыйфатларын үстерә. Уеннар шулай ук хәтерне яхшырта, логик фикерләү сәләтләрен үстерә

Тема:Аюкай дуслары белән.                                                                                                                                                                           Максат:Төсле кәгазьдән аю сурәтләргә өйрәтү,гәүдә формаларын дөрес пропорциядә биреп, туры буенча түгәрәкләп кисү алымын ныгыту,эшләгән эшкә бәя бирә белергә өйрәтү.

   Һәркөн саен балалар йокыдан торгач, чыныктыру чаралары үткәреп балаларның сәламәтлекләрен ныгытабыз. Кырлы такта һәм тәймәләр өстеннән яланаяк йөрү баланың аягына уңай тәэсир итә.Ул нерв нокталарына көчле тәэсир итә, яссы табанлыкны, аяктагы арыганлыкны киметә.

     Тема: Безгә көз нәрсәләр алып килде.                                                                                                                                                              Максат: көз  нигъмәтләре, күчтәнәчләре турында образлы күзаллауларын ныгыту. Яшелчә, җиләк-җимеш ясый белүләрен, аларның формаларын, төсләрен, хас үзенчәлекләрен дөрес чагылдырырга өйрәтүне дәвам итү.

Кечкенәләр төркеме балалары иртәнге вакытларда төзү материаллары белән яратып уйныйлар. Алар өйләр, машиналарга гараж төзеп уйныйлар.

Тема: Нәни Мишутка                                                                                                                                                                                                     Максат: әкияти образ булдырырга өйрәтү; гәүдә өлешләрен дөрес пропорциядә бирә белү күнекмәсен камилләштерү; уйлау – фикерләү сәләтен үстерү.